Ri xebʼanik che sibʼalaj utz

Kixkikot riʼ rumal che kqabʼij chiwe che pa ri qʼij 31 rech octubre xopan 2 rech noviembre 2014 pa ri tinamit rech México xbʼan jun nim riqbʼal ibʼ che kbʼix asamblea internacional che. Ri kajilabʼal ri xeʼopan pa wajun nim riqbʼal ibʼ riʼ che kepe pa jun chi tinamit are 3.026, xeʼopan qachalal rech ri tinamit Belice, Colombia, Costa Rica, Estados Unidos, El Salvador, Guatemala, Honduras, Italia, Jamaica, Nicaragua xuqujeʼ Panamá. Ri winaq che xeʼopan pa ri lugar che xbʼan wi ri nim riqbʼal ibʼ are 19.646, pa ri qʼij domingo. Are kʼu, xqʼaxax wajun nim riqbʼal ibʼ riʼ pa 55 nikʼaj chi lugar, ronojel ri xeʼopan pa ri e lugares riʼ are 306.004 winaq. Qas sibʼalaj utz kilik ri qachalal rech kʼi tinamit xkimulij kibʼ pa wajun nim riqbʼal ibʼ riʼ rech xkita chrij ri utzij ri Dios xuqujeʼ xkʼojiʼ jun utz achilanik chkixoʼl pa ri oxibʼ qʼij rech ri nim riqbʼal ibʼ.