QʼINOMAL RE RI UTZIJ RI DIOS | ISAÍAS 1-5
«Chujpaqal cho ri ujuyubʼ ri Ajawaxel»
2:2, 3
«Pa ri kʼisbʼal taq qʼij junabʼ» |
Pa ri qʼij che oj kʼo wi. |
«Ri juyubʼ ri kariqitaj wi ri rachoch ri Ajawaxel» |
Ri chʼajchʼojalaj qʼijilanik che ri Jehová. |
«Ronojel kʼu kiwach nimaʼq taq tinimit kebʼopan na chilaʼ» |
Ri kkikʼam ri qastzij qʼijilanik kʼo jun utz achilanik kukʼ. |
«Tisaj, chujpaqal cho ri ujuyubʼ ri Ajawaxel» |
Ri e qastzij qʼijilanelabʼ kekisikʼij nikʼaj chik rech kepe kukʼ pa ri qʼijilanik. |
«Areʼ kekʼutuw taq ri ubʼe chqawach, kujkuʼin kʼu che bʼinem pa ri alaj taq ubʼe» |
Rumal ri Utzij, Jehová kojutijoj xuqujeʼ kojutoʼ rech kkʼojiʼ jun qakʼaslemal junam che kraj areʼ. |
2:4
«Mawi katijox ta chi che ubʼanik chʼoj» |
Isaías kchʼaw chrij ri ukʼexik ri armas rech kux chakubʼal rech kukʼutu che ri utinamit ri Dios kkʼojiʼ pa jamaril. ¿Jas riʼ ri e chakubʼal riʼ pa ri uqʼij ri Isaías? |
«Chʼichʼ re chʼoj kakibʼan na asaron chke» |
Ri asaron kkoj che uchakuxik ri ulew. Jujun chke are chʼichʼ (1Sa 13:20). |
«Tzʼimaj chʼichʼ kabʼan na jos chke» |
Jun jos are jun uxaq chʼichʼ che kʼo uware kojom uqʼabʼ. Kkoj che uqupixik ri uxaq taq uvas (Isa 18:5). |