«Ri xutunubʼaʼ ri Dios...»

Ri Taqanik xyaʼ che Moisés kubʼij che ri achi che kraj kuchup ri ukʼulanem kubʼan jun wuj tzʼibʼam cho qʼatbʼal tzij. Wariʼ kubʼano che aninaq ta kchup jun kʼulanem. Are kʼu, pa taq uqʼij ri Jesús, ri ajkʼamal taq bʼe pa ri kojonem xkibʼano che uchupik jun kʼulanem kʼax ta ubʼanik. Ri achijabʼ kekunik kkichup kikʼulanem rumal apachike jastaq (nwtsty nota re etaʼmanik rech Mr 10:4: «wuj re jachow ibʼ»; nwtsty notas re etaʼmanik rech Mr 10:11: «kujach bʼik ri rixoqil» xuqujeʼ «kqaj riʼ pa mak chrij ri rixoqil»). Jesús xukʼutu che are Jehová ri xbʼanow ri kʼulanem xuqujeʼ xuya ri taqanik pa ri kʼulanem (Marcos 10:2-12). Ri e kʼulanik rajawaxik che keʼux «xa e jun winaq», kraj kubʼij, amaqʼel kkukʼaj kibʼ. Junam rukʼ ri kʼo pa Mateo, ri Biblia kubʼij che xaq xiw ri inmoralidad sexual kbʼanowik che kkichup ri kʼulanem (Mt 19:9).

Kimik, e kʼi winaq che kkipatanej ta ri Jehová kkil ri kʼulanem junam kukʼ ri e fariseos, junam ta rukʼ ri Jesús. Are chiʼ kʼo kʼax, chanim kkichup kikʼulanem. Are kʼu ri e kʼulanem che cristianos nim kkil wi ri kikʼulanem xuqujeʼ kkikoj kichuqʼabʼ che usukʼumaxik ri kʼax are chiʼ kkibʼan ri kubʼij ri Biblia. Are chiʼ iwilom chi ri video Ri loqʼoqʼebʼal xuqujeʼ ri nim ilik kubʼano che kʼo utzilal pa ri e familias, chayaʼ ubʼixik chrij ri preguntas riʼ:

• 

  ¿Jas kibʼan che ukojik pa ikʼulanem ri kubʼij Proverbios 15:1, xuqujeʼ jasche rajawaxik kibʼano?

• ¿Jas kixutoʼ wi Proverbios 19:11 rech kʼo ta kʼax pa ikʼulanem?

• We xa jubʼiqʼ chi kraj ktukin ri akʼulanem, ¿jas preguntas rajawaxik kachomaj chuwach uchupik ri akʼulanem?

• ¿Jas katutoʼ wi Mateo 7:12 rech katux más utz achi o ixoq?