Ri e nim riqbʼal ibʼ re oxibʼ qʼij kojutoʼo rech kqakʼut loqʼoqʼebʼal

¿Jasche sibʼalaj utz keqil ri nim riqbʼal ibʼ re oxibʼ qʼij? Rumal che kojkunik kqabʼan qe junam rukʼ ri xkibʼan ri israelitas ojer kanoq, kojkunik kqaya uqʼij ri Jehová kukʼ cientos o weneʼ miles qachalal. Kʼi kqetaʼmaj, kojkunik kojkʼojiʼ kukʼ ri qachiʼl xuqujeʼ ri qafamilia. Kqakoj qachuqʼabʼ rech kojbʼe pa ri oxibʼ qʼij rumal che nim kqil wi.

Are chiʼ kqamulij qibʼ, xaq xiw ta kojchoman chrij ri kyaʼ chqe, xaneʼ kojchoman chrij jas kqabʼan che ukʼutik loqʼoqʼebʼal chke ri nikʼaj chik (Gál 6:10; Heb 10:24, 25). Xuqujeʼ kqakʼutu che nim keqil ri nikʼaj chik are chiʼ xaq xiw kqatas ri tem che kajwataj chqe o chiʼ kqator ri uchiʼ ja che jun qachalal (Flp 2:3, 4). Pa ri e nim riqbʼal ibʼ xuqujeʼ keqariq kʼakʼ taq qachiʼl. ¡Utz riʼ we kqachʼabʼej jun qachalal che kqachʼobʼ ta uwach! Kojkunik kqabʼan wariʼ are chiʼ majaʼ kumaj ri programa y are chiʼ kkʼisik o chiʼ kqatij qawa (2Co 6:13). Ri e achilanik riʼ ksach ta uwach. Are chiʼ ri winaq kkilo che qas kqaloqʼoqʼej qibʼ, weneʼ kkichomaj upatanexik ri Jehová (Jn 13:35).

ARE CHIʼ AWILOM CHI RI VIDEO RI ASAMBLEAS INTERNACIONALES «RI LOQʼOQʼEBʼAL KSACH TA UWACH», CHATZALIJ KIWACH RI PREGUNTAS RIʼ:

• 

  ¿Jas xkibʼan ri qachalal rech xkikʼut loqʼoqʼebʼal chke ri xeʼopan pa ri asambleas internacionales 2019?

• 

  ¿Jasche e kʼi winaq utz kkil ri junamil y ri loqʼoqʼebʼal pa ri utinamit ri Dios?

• 

  ¿Jas qas xkiqʼalajisaj ri qachalal re ri Jupuq Kʼamal bʼe cho ronojel uwach Ulew?

• 

  ¿Jas xbʼan che ukʼutik ri loqʼoqʼebʼal pa Alemania y pa Corea del Sur?

• ¿Jas qas kqaj kqabʼano?