Chakʼutuʼ che kanaʼ ri kkinaʼ ri winaq

Unaʼik ri kkinaʼ ri e nikʼaj chik are uchʼobʼik ri kkichomaj, ri utz kkilo y ri rajawaxik chke. Jun winaq kkunik kukʼut wajun bʼantajik are chiʼ qas pa ranimaʼ kel wi lo ri tobʼanik kuya che jun chi winaq. We kqanaʼ ri kkinaʼ ri e nikʼaj chik are chiʼ kqatzijoj ri utzij ri Dios, tajin kqakʼut ri kubʼan ri Jehová che utoqʼobʼisaxik kiwach ri e winaq, jeriʼ kkaj kketaʼmaj uwach (Flp 2:4).

Ri unaʼik ri kunaʼ jun chi winaq, are ta jun chakubʼal re tijonik. Xaneʼ kʼo ubʼanik rukʼ ri kqabʼan che kilik, kitatabʼexik, kichʼabʼexik y ri kqabʼan che ri qapalaj xuqujeʼ ri qaqʼabʼ are chiʼ kojtzijon kukʼ. Kqakʼut wajun bʼantajik are chiʼ qas kel qakʼuʼx che ri winaq, kojchoman chrij ri utz krilo, ri ukojonik, ri kriqitaj wi y kqaya consejos che rech kqatoʼo, are kʼu kqataqchiʼj ta che ubʼanik jun jastaq. Sibʼalaj kojkikotik are chiʼ ri e winaq kkibʼan pa kikʼaslemal ri kqakʼut chkiwach.

ARE CHIʼ AWILOM CHI RI VIDEO UBʼANIK TIJOXELABʼ KUYA KIKOTEMAL. CHQABʼANAʼ MÁS UTZ CHE RI QACHAK: CHQAKʼUTUʼ CHE KQANAʼ RI KKINAʼ RI WINAQ, CHATZALIJ KIWACH RI PREGUNTAS RIʼ:

• 

  ¿Jas xubʼan ri al Rita che uchʼobʼik ri kriqitaj wi ri al Coral are chiʼ matam xopanik?

• 

  ¿Jas xubʼan ri al Rita che ukʼutik che kuchʼobʼ ri kunaʼ ri al Coral are chiʼ xubʼij che sibʼalaj kosinaq rumal ri tijobʼal?

• 

  ¿Jas xubʼan ri al Rita che ukʼutik che xuchʼobʼ ri kunaʼ ri al Coral are chiʼ xubʼij che kʼo kʼi jastaq kubʼano?