Oxibʼ jastaq kqabʼano rech kqakʼutu che kqakubʼsaj qakʼuʼx chrij ri Jehová

Ri David xkunik xuchʼak ri Goliat rumal che rukʼ ronojel ranimaʼ xukubʼsaj ukʼuʼx chrij ri Jehová (1Sa 17:45). Ri Jehová kraj kukʼut ronojel ri uchuqʼabʼ rech keʼutoʼ ri e rachiʼl (2Cr 16:9). ¿Jas kojkunik kqabʼano rech kqakʼutu che kqakubʼsaj qakʼuʼx chrij ri Jehová y chbʼil ta qibʼ oj? Chqilampeʼ oxibʼ jastaq.

• Amaqʼel chabʼanaʼ achʼawem. Xaq xiw ta kabʼan achʼawem che ri Jehová are chiʼ kataʼ kuybʼal amak rumal ri makaj xabʼano, xaneʼ chataʼ achuqʼabʼ che rech katqaj ta chi jumul chupam (Mt 6:12, 13). Chabʼanaʼ achʼawem che ri Jehová xaq xiw taj are chiʼ achaʼom chi ubʼanik jun jastaq, xaneʼ are chiʼ kʼa majaʼ kachaʼ ubʼanik (Snt 1:5).

• Chanaqʼatisaj awibʼ che usikʼixik uwach y unikʼoxik ri Biblia. Chasikʼij uwach ri Biblia ronojel taq qʼij (Sl 1:2). Chatchoman chrij ri kawetaʼmaj, chrij ri kikʼutbʼal ri achijabʼ ixoqibʼ che e kʼo pa ri Biblia y chawilaʼ jas kabʼan che ubʼanik pa akʼaslemal (Snt 1:23-25). Chatijoj awibʼ are chiʼ majaʼ katzijoj ri utzij ri Dios, paneʼ kʼo chi nim awetaʼmabʼal kakubʼsaj ta akʼuʼx chbʼil awibʼ. Chatijoj awibʼ che ri kil pa ri e riqbʼal ibʼ rech kariq ri utzilal kuyaʼo.

• Chattobʼan rukʼ ri utinamit ri Jehová. Amaqʼel chabʼanaʼ ri kʼakʼ taq pixabʼ che kuya ri utinamit ri Jehová (Nú 9:17). Je chabʼanaʼ rukʼ ri pixabʼ y ri taqanik kkiya ri e kʼamal taq bʼe pa ri congregación (Heb 13:17).

ARE CHIʼ AWILOM CHI RI VIDEO ¡KIXIʼJ TA IWIBʼ ARE CHIʼ KBʼAN KʼAX CHIWE RUMAL RI IKOJONIK!, CHATZALIJ KIWACH RI PREGUNTAS RIʼ:

• ¿Jas rumal xkixiʼj kibʼ ri e qachalal che xeqʼalajin pa ri video?

• ¿Jas xetoʼwik rech xkixiʼj ta chi kibʼ?