Are chiʼ kqatzijoj ri utzij ri Dios chojchʼaw chrij jastaq che tajin kkʼulmatajik

Are chiʼ ri Jesús xutzijoj ri utzij ri Dios xchʼaw chrij jastaq che xkʼulmataj pa ri uqʼij rech kʼo kketaʼmaj ri winaq chrij (Lu 13:1-5). At xuqujeʼ katkunik katchʼaw chrij jastaq che utz kkita ri winaq rech kkaj kketaʼmaj más chrij ri uQʼatbʼal tzij ri Dios. Are chiʼ bʼitajinaq chi awumal ri kʼax kqariq chuwach jun kabʼraqan, kaqiqʼ jabʼ, ri utijik drogas, chʼoj o nikʼaj chi kʼax, chabʼanaʼ preguntas rech ri winaq kchoman chrij. Jun kʼutbʼal re: «¿La kachomaj che kopan ri qʼij che kkʼis ri...?» o «¿Jas rajawaxik rech ksukʼumax...?». Tekʼuriʼ chakʼutuʼ jun texto rech ri Biblia chuwach che kʼo ubʼanik rukʼ ri pregunta che xabʼij. We ri winaq utz xuta ri xabʼij che, chakʼutuʼ jun video chuwach o chayaʼ jun wuj che che kʼo pa ri chakubʼal re tijonik. Chqakojoʼ qachuqʼabʼ rech ri kqabʼij kopan pa ranimaʼ ri winaq y chqabʼanaʼ «ri utzil [che] kuyaʼ ri utzalaj taq tzij» (1Co 9:22, 23).

¿Jas jastaq utz kkita ri winaq pa ri territorio re ri acongregación?