Chattaqan pa kiwiʼ ri arayinik

Rumal che xa oj ajmakibʼ, ronojel qʼij rajawaxik kqakoj qachuqʼabʼ chuwach ri itzel taq qarayinik. We kqaya bʼe che ketaqan pa qawiʼ, kubʼan kʼax che ri qachilanik rukʼ ri Jehová. E jujun winaq are más nim kkil ubʼanik ri kirayibʼal (weneʼ che ubʼanik jun kachoch, uriqik ri kkitijo o ri kkikojo) are kʼu nim ta kkil wi ri kiloqʼoqʼebʼal che ri Dios. E nikʼaj chik kkiya bʼe che ktaqan pa kiwiʼ ri kirayibʼal rech kkaj keqʼoyiʼ rukʼ jun winaq che kikʼulaj taj y kechoman ta chrij ri ktaqan wi ri Jehová (Ro 1:26, 27). Xuqujeʼ e kʼo nikʼaj chik che kkiya bʼe che e nikʼaj chi winaq ketaqan pa kiwiʼ, rumal che kkaj keqaj chkiwach (Éx 23:2).

¿Jas kojkunik kqabʼano rech kojtaqan pa kiwiʼ ri qarayinik? Rajawaxik kqakoj ronojel qachuqʼabʼ che rilixik ri jastaq re ri qakojonik (Mt 4:4). Xuqujeʼ rajawaxik kqataʼ tobʼanik che ri Jehová rech kojtaqan pa kiwiʼ ri qarayinik. ¿Jasche nim ubʼanik wariʼ? Rumal che areʼ retaʼm ri más utz chqe y retaʼm ri rajawaxik kqabʼano rech utz kqakoj wi ri qarayibʼal (Sl 145:16).

ARE CHIʼ AWILOM CHI RI VIDEO MAYAʼ BʼE CHE NOJIMAL KSACH BʼI UWACH RI AKʼASLEMAL, CHATZALIJ KIWACH RI PREGUNTAS RIʼ:

• 

  ¿Jasche jujun winaq kkitubʼaj sikʼ?

• 

  ¿Jas kqakʼulmaj we kqatubʼaj sikʼ?

• 

  ¿Jasche utz taj kqatubʼaj sikʼ y kqajikʼ sibʼ pa jun cigarro electrónico (vapear)? (2Co 7:1).

• 

  ¿Jas kabʼano rech kaxutuj ubʼanik ri itzel taq rayinik riʼ o kaya kan ubʼanik?