¿Jas kubʼan ri Jehová che uyaʼik ri kqataʼ che?

Pa ri Biblia kqariq kʼi taq chʼawem che ri Jehová xutzalij uwach. Ri upatanelabʼ ri Jehová ketaʼm che ri areʼ kel ukʼuʼx chke y keʼutoʼo rech kkowir más ri kikojonik. Rumal laʼ are chiʼ kqabʼan qachʼawem, chqabʼij che ri Jehová ri qas kqaj y chqilaʼ jas kubʼan che uyaʼik ri kqataʼ che. Weneʼ ri areʼ jun wi kubʼan che utzalixik uwach ri qachʼawem y weneʼ are ta ri kqeyeʼj oj, are kʼu xuqujeʼ oj rajawaxik kqakoj qachuqʼabʼ che ubʼanik ri xqataʼ che (2Co 12:7-9; Ef 3:20). Chqilampeʼ jas kubʼan ri Jehová che qatoʼik.

• Kojutoʼ pa ri qakojonik y pa nikʼaj chi jastaq rech kqachʼij ri kʼax che kqariqo (Flp 4:13).

• Kuya más qanojibʼal rech kqachaʼ ri kqabʼan pa ri qakʼaslemal (Snt 1:5).

• Kuya qachuqʼabʼ y qarayinik rech kqabʼan jun jastaq (Flp 2:13).

• Kukubʼsaj qakʼuʼx we kojbʼisonik (Flp 4:6, 7).

• Kukoj e nikʼaj chi qachalal che qatoʼik (1Jn 3:17, 18).

• Keʼutoʼ ri e winaq che kqabʼan qachʼawem pa kiwiʼ (Hch 12:5, 11).

ARE CHIʼ AWILOM CHI RI VIDEO RI JEHOVÁ QAS KUTATABʼEJ RI QACHʼAWEM, CHATZALIJ KIWACH RI PREGUNTAS RIʼ:

• ¿Jas kubʼan ri ukʼutbʼal ri qachalal Shimizu che kitoʼik ri kiriqom jun yabʼil?

• ¿Jas kqabʼan che resaxik uwach ri qachalal Shimizu?