QAKʼASLEMAL RI OJ CRISTIANOS
¿Jas kqabʼan che ukowirisaxik ri qakojonik chrij ri uTzij ri Dios?
Ri uTzij ri Dios kkunik kukʼex ri qakʼaslemal (Heb 4:12). Are kʼu xaq xiw kqariq ri utzilal kkiya ri e pixabʼ y ri e taqanik che e kʼo chupam we qas kqakojo che are «ri utzij ri Dios» (1Te 2:13). ¿Jas kqabʼan che ukowirisaxik ri qakojonik chrij ri Biblia?
Ronojel taq qʼij chqasikʼij ri Biblia. Are chiʼ kqasikʼij uwach jun kʼutunem, chqilaʼ ri kkʼutuwik che ri ajchaqʼe are ri Jehová. Jun kʼutbʼal, chqanikʼoj ri wuj re Proverbios y chqilaʼ che ri e pixabʼ che kʼo chupam kʼo na kipatan kimik xuqujeʼ pa ri petinaq (Pr 13:20; 14:30).
Chanikʼoj rij ri kʼutunem. Rajawaxik qas kqetaʼmaj ri kkʼutuwik che ri Biblia rukʼ ri Dios petinaq wi. Rech kojkunik kqabʼan wariʼ utz kqakoj ri wuj Tobʼanik chike ri testigos rech Jehová rech kketaʼmaj más, katzukuj ri e tzij «Ri Biblia» tekʼuriʼ «Petinaq rukʼ ri Dios». Xuqujeʼ kojkunik kqanikʼoj ri apéndice A3 re ri Traducción del Nuevo Mundo rech qas kqakojo che ri kʼo pa ri Biblia kʼextajinaq taj.
ARE CHIʼ AWILOM CHI RI VIDEO ¿JASCHE KOJKOJON CHRIJ... RI UTZIJ RI DIOS?, CHATZALIJ KIWACH RI PREGUNTAS RIʼ:
¿Jas jastaq re jun wachbʼal che xriqitaj pa jun templo re Karnak (Egipto) kukʼutu che ri uTzij ri Dios qastzij wi ri kubʼij?
¿Jas kkʼutuwik che ri tzʼibʼatal pa ri Biblia kʼextajinaq taj?
¿Jas kukʼut chqawach che ri Biblia sachinaq ta uwach? (Chasikʼij uwach Isaías 40:8).