¿Jas kojkunik kqabʼano rech kqaya ri qatobʼanik are chiʼ kkʼulmataj jun desastre natural?

Más kʼi chi ri desastres naturales tajin kkʼulmatajik. Are chiʼ kkʼulmataj wariʼ, rajawaxik che ri labores de socorro qas utz kkibʼan che uyaʼik ri tobʼanik. Rumal laʼ ri Jupuq Ajkʼamal bʼe cho ronojel uwach Ulew kiyaʼom taqanik chke ri sucursales che e kʼo cho ronojel ri uwach Ulew rech kʼo jun Departamento de Labores de Socorro.

Are chiʼ ri e qachalal re ri Departamento de labores de Socorro kketaʼmaj che kkʼulmataj jun kʼax, aninaq kekichʼabʼej ri e kʼamal bʼe rech kketaʼmaj ri kajwataj chke ri qachalal re ri congregación. We nim ri kʼax che xkʼulmatajik y ri e qachalal re ri congregación kekun taj kkiya ri kitobʼanik, ri sucursal kubʼij chke ri qachalal re ri labores de socorro che kkikʼam ubʼe ri chak. Ri e qachalal re ri labores de socorro weneʼ kkitaʼ tobʼanik chke nikʼaj chik, kkiloqʼ jastaq che kajwatajik tekʼuriʼ kkijach chke ri qachalal.

Nim ubʼanik che rukʼ cholajil kyaʼ ri tobʼanik rech utz kelik. Y je wariʼ xaq ta ksach ri pwaq y xaq ta kkʼaq bʼi ri jastaq che kkojik, are waʼ ri kkʼulmatajik we rukʼ ta cholajil kbʼanik.

Ri e qachalal che e ukojom ri sucursal pa ri labores de socorro are keʼilowik jampaʼ qachalal keʼajwatajik rech kkiya ri tobʼanik y kkilo jampaʼ pwaq kkojik. Xuqujeʼ kechʼaw rukʼ ri qʼatbʼal tzij re ri tinamit rech kʼax ta kbʼan che uyaʼik ri tobʼanik. Rumal laʼ, we kbʼix ta chawe, kamulij ta pwaq, kataq ta bʼi jastaq ni katbʼe ta pa ri lugar jawiʼ xkʼulmataj wi ri kʼax.

Qastzij riʼ che sibʼalaj keqaloqʼoqʼej ri qachalal, rumal laʼ we kkʼulmataj jun kʼax aninaq kqaya ri qatobʼanik (Heb 13:16). Are kʼu, ¿jas kojkunik kqabʼano? Ri más nim ubʼanik are che kqabʼan qachʼawem pa kiwiʼ ri qachalal che xkiriq kʼax y pa kiwiʼ ri tajin kkiya ri tobʼanik. Xuqujeʼ kojkunik kqaya ri qakuchuj pa ri obra mundial. Ri sucursales che kekoj rumal ri Jupuq Ajkʼamal bʼe cho ronojel uwach Ulew, are más ketaʼm jas kbʼan che ukojik ri pwaq y jawiʼ kkoj wi. Are kʼu, we kqaj kojbʼek y keqatoʼ ri qachalal che xkiriq kʼax, kojkunik kqataq bʼi ri Solicitud de voluntario local de diseño y construcción (DC-50).

ARE CHIʼ AWILOM CHI RI VIDEO RI NIMALAJ KʼAX CHE XUYA RI JABʼ PA BRASIL, CHATZALIJ UWACH RI PREGUNTA RIʼ:

¿Jas utz xawil che ri tobʼanik che xkiya ri testigos rech Jehová are chiʼ xkʼulmataj ri kʼax pa Brasil?