¿La awetaʼm?

¿Jas xkibʼan ri sacerdotes rukʼ ri kikikʼel ri awaj che xebʼan sacrificar pa ri templo ojer kanoq?

OJER, ri sacerdotes sibʼalaj e kʼi awaj o chikop kekibʼan sacrificar pa ri templo ronojel taq junabʼ. Jun achi judío re ri nabʼe siglo ubʼiʼ Josefo xubʼij che 250,000 chij kebʼan sacrificar pa ri Pascua. Rumal laʼ sibʼalaj nim ri kikʼ che ktix puwiʼ ri altar (Lev. 1:10, 11; Núm. 28:16, 19). ¿Jas xbʼan rukʼ juntir ri kikʼ che ktix puwiʼ ri altar?

Ri arqueólogos xkilo che pa ri templo che xubʼan ri Herodes, kʼo kʼi jul chupam che kejunamataj rukʼ drenajes. Chupam ri e jul riʼ kel bʼi ri kikʼ che kelik are chiʼ kebʼan sacrificar ri chikop pa ri templo.

Chqilaʼ kebʼ jastaq che kchʼaw chrij wariʼ:

• E jul che kʼo che ri altar. Pa jun libro che xkitzʼibʼaj ri judíos ubʼiʼ Misná (una recopilación de leyes orales judías escrita a inicios del siglo tercero) kyaʼ ubʼixik chrij ri jul che kʼo che ri altar jawiʼ kel wi bʼi ri kikʼ. Kubʼij che kʼo kebʼ jul che ri altar jawiʼ kel wi bʼi ri kikʼ che keqaj kʼa pa ri valle re Cedrón.

  Ri kubʼij ri Misná (che kʼo jul che ri altar) kajunamataj rukʼ ri xkibʼan descubrir ri arqueólogos. Ri wuj The Cambridge History of Judaism kubʼij che chunaqaj ri templo «e bʼanom ubʼe jaʼ jawiʼ kel wi bʼi ri kikʼ che kchʼaj puwiʼ ri altar».

• Xajwataj kʼi jaʼ. Xajwataj kʼi jaʼ chke ri sacerdotes rech kkichʼaj ri altar. ¿Jawiʼ kekikʼama wi ri jaʼ? Pa Jerusalén kpe wi. Ri jaʼ kqʼax pa canales che kjunamataj rukʼ cunetas che kʼo chuchiʼ taq ri bʼe. Ri arqueólogo Joseph Patrich xubʼij: «Kʼo ta nijun chi templo kjunamataj rukʼ wajun templo riʼ rumal che kʼo kʼi jaʼ chupam rech kchʼajchʼobʼisax ri altar y rech kkanaj ta kan kikʼ pa taq ri jul».