¿La kkikoj ri testigos rech Jehová che ri uwach Ulew xbʼan pa seis qʼij?

Kkikoj taj. Ri oj testigos rech Jehová kqakojo che are ri Dios xbʼanow ronojel ri jastaq, are kʼu kqakoj taj che ri uwach Ulew xbʼan pa seis qʼij re 24 horas. ¿Jasche? Rumal che wajun chomanik riʼ are ta ri kukʼut ri Biblia. Chqilampeʼ kebʼ chomanik che kkibʼij ri winaq:

1. ¿Jampaʼ qʼij xukʼam bʼi ubʼanik ri uwach Ulew? E jujun winaq kkibʼij che ri uwach Ulew xbʼan pa seis qʼij re 24 horas. Are kʼu pa ri Biblia, ri tzij qʼij jujun taq mul kraj kubʼij kʼi tiempo (Génesis 2:4; Salmo 90:4).

2. ¿Jampaʼ junabʼ kʼo chi ri uwach Ulew? Jun chi chomanik che kkibʼij ri winaq are che majaʼ naj bʼanom ri uwach Ulew. Are kʼu ri Biblia kubʼij che ya e kʼo chi ri kajulew y ri uwach Ulew are chiʼ xmaj kibʼanik ri nikʼaj chi jastaq (Génesis 1:1). Rumal laʼ ri testigos rech Jehová kqaxutuj ta ri kkibʼij ri científicos che ri kajulew sibʼalaj naj tiempo chik kʼolik, weneʼ millones junabʼ.

Ri testigos rech Jehová qastzij kqakojo che kʼo jun xbʼanow ri jastaq, are kʼu wariʼ kraj ta kubʼij che nim ta kqil wi ri kubʼij ri ciencia. Xaneʼ qetaʼm che kʼi che ri kkibʼij ri científicos kjunamataj rukʼ ri kubʼij ri Biblia.