¿Jas kqariqo chiʼ kojkamïk?

Ri kamikal junam täj rukʼ ri kʼaslemal. Junam rukʼ jun nimalaj waram (Juan 11:11-14). Ri kaminaqibʼ kekun täj kkito, kekaʼy täj, kechʼaw täj xuquje kechoman täj (Eclesiastés 9:5, 10). Ri kojonem che qastzij täj kubʼij che ri kaminaqibʼ kebʼe chupam jun uxlabʼalalaj kʼolbʼal rech kekʼaseʼ rukʼ kitiʼt kimam. Jetalaʼ kukʼut ri Loqʼalaj Pixabʼ.

Ri e kaminaqibʼ kekun täj kojkitoʼo xuquje kekun täj kkebʼan Kʼäx chaqe. Kʼi täq winaq kkebʼan jalajoj täq qʼijlanik, rumal che kkechomaj che utz kekil ri kaminaqibʼ. Tekʼuriʼ, wariʼ utz täj kril ri Ajawaxel, rumal che kʼo chupam ri molon täq tzij che kubʼan ri Satanás. Xuqujeʼ ri täq kaminaqibʼ kekil ta wariʼ, rumal che kʼot kikʼaslemal. Kqaxibʼij ta qibʼ xuqujeʼ kqaqʼijlaj ta ri kaminaqibʼ. Rajawaxik che xiw kqaqʼijlaj ri Ajawaxel (Mateo 4:10).

Ri kaminaqibʼ kekʼaseʼ na jumul chik. Wariʼ petinaq, ri Jehová keʼukʼasuj na ri kaminaqibʼ rech kekʼaseʼ chuwäch jun kotzʼiʼjalaj uwäch Ulew ( Juan 5:28, 29; Hechos 24:15). Ri Ajawaxel kkunik keʼukʼasuj ri winaq e kaminaq, junam qukʼöj che kojkunik kqakʼasuj jun winaq che waranaq (Marcos 5:22, 23, 41, 42).

Ri chomanik che kubʼij che kojkam täj, qastzij täj, tekʼuriʼ ri Itzel Satanás ubʼanom che kʼi winaq kkekoj we tzij riʼ. Ri Satanás xuqujeʼ ri itzel täq uxlabʼal kkekoj pa ri kichomanik ri winaq, che ri kuxlabʼal täq kaminaq e kʼaslik xuqujeʼ kkekoj yabʼil xuqujeʼ kʼaxkʼolil chike ri winaq. Ri Satanás keʼusach ri winaq, pa täq uchïkʼ xuqujeʼ pa täq kʼutwachinik. Rumal laʼ, ri Jehová kuretzelaj kiwäch jachin täq kekaj kkechʼabʼej ri kaminaqibʼ (Deuteronomio 18:10-12).