Sibʼalaj xpe royowal che xukamisaj ri rachalal

Are chiʼ e esam chi Adán xuqujeʼ Eva pa ri utzalaj kʼolbʼal Edén, xekʼojiʼ kalkʼwal. Ri nabʼe ubʼiʼ Caín. Ri uchak are utikik uwach taq cheʼ xuqujeʼ ichaj. Ri ukabʼ ubʼiʼ Abel, areʼ are ajyuqʼ.

Jun qʼij, Caín xuqujeʼ Abel xkiya jun tabʼal toqʼobʼ che ri Jehová. ¿La awetaʼm jas jun tabʼal toqʼobʼ? Are jun utzalaj sipanik che kyaʼ che ri Dios. Jehová utz xril ri usipanik ri Abel, are kʼu rech ri Caín utz ta xrilo. Rumal laʼ Caín sibʼalaj xpe royowal. Jehová xubʼij: «We kresaj ta ri royowal, kʼisbʼal re kubʼan ri utz taj». Are kʼu Caín xuta ta ri xbʼix che.

Qʼaxinaq chi jun tiempo, Caín xubʼij che Abel: «Joʼ wukʼ pa ri juyubʼ». Are chiʼ e kʼo chilaʼ kitukel, Caín xbʼe chrij ri rachalal, xukamisaj. ¿Jas xubʼan ri Jehová? Xukʼajisaj uwach Caín, xutaq bʼi naj che ri ufamilia. Rech ktzalij ta chi loq.

¿Jas kqetaʼmaj? We ri jastaq utz ta kelik junam rukʼ ri kqachomaj, weneʼ kpe qoyowal. Are kʼu we kqanaʼ che xa más nim chi ri qoyowal, o ri nikʼaj chik kkilo che kʼo qoyowal, rajawaxik kqakʼex ri qachomanik. We chanim ta kqakʼexo, ri oyowal ktaqan pa qawiʼ, wariʼ utz taj.

Abel sibʼalaj kuloqʼoqʼej ri Jehová xuqujeʼ xubʼan ri utz, rumal laʼ Jehová amaqʼel xnaʼtaj che. Dios kuya chi na jumul ri ukʼaslemal are chi kubʼan jun utzalaj kʼolbʼal che ri uwach Ulew.