Jacob xuqujeʼ Esaú xkitzukuj jororibʼal

Jehová xubʼij che Jacob che kuchajij, rumal che uchajim chi ri Abrahán xuqujeʼ ri Isaac. Jacob xkanaj kan pa jun lugar ubʼiʼ Harán. Chilaʼ xkʼuliʼ wi, xeʼalax kʼi ralkʼwal xuqujeʼ xux qʼinom.

Qʼaxinaq chi ri tiempo, Jehová xubʼij che Jacob: «Chattzalij pa ri ulew kech ri anan atat». Rumal laʼ Jacob rukʼ ri ufamilia xkimaj jun nimalaj bʼe. Pa ri bʼe, jujun chke ri e rajchakibʼ xepe che ubʼixik che: «Ri awachalal Esaú petinaq chqij rukʼ 400 achijabʼ. Jacob kuxibʼij ribʼ che Esaú kraj kubʼan kʼax che areʼ xuqujeʼ che ri ufamilia. Rumal laʼ xubʼan uchʼawem che Jehová: «Chabʼanaʼ toqʼobʼ chinakolo pa uqʼabʼ ri wachalal». Chukabʼ qʼij, Jacob xutaq bʼi jun sipanik che Esaú: e kʼi chij, kʼisikʼ, wakax, camellos xuqujeʼ e bʼur.

Pa ri chaqʼabʼ riʼ, are chiʼ Jacob xkanaj kan utukel, xril jun ángel. Ri ángel xumaj ukojik uchuqʼabʼ rukʼ. Xukoj uchuqʼabʼ kʼa xsaqar ri ukabʼ qʼij. Pa neʼ Jacob xuriq kʼax, xuya ta kan ubʼanik. Ri ángel xubʼij che: «Chayaʼ chwe che kinbʼek». Are kʼu Jacob xubʼij: «Kinya taj kʼa kinatewchij na».

Kʼisbʼal re, ri ángel xutewchij ri Jacob. Kimik Jacob retaʼm che Jehová kuya ta pa uqʼabʼ Esaú rech kbʼan kʼax che.

Aqʼabʼil, Jacob xril apanoq che Esaú petinaq rukʼ ri e 400 achijabʼ. Jacob xnabʼej chkiwach ri ufamilia rech kuriqa ri Esaú, are chiʼ xopan rukʼ wuqubʼ mul xutzaq ribʼ cho ri ulew. Esaú panim xbʼe rukʼ Jacob xumatzej. Ri e kebʼ xkimaj oqʼej xuqujeʼ xeʼux chi jumul achiʼl. ¿La kachomaj che utz xril ri Jehová ri xubʼan Jacob?

Are chiʼ bʼantajinaq chi wariʼ, Esaú xtzalij pa rachoch, xuqujeʼ ri Jacob xutaqej ri ubʼe. Jacob xekʼojiʼ 12 ukʼojol: Rubén, Simeón, Leví, Judá, Dan, Neftalí, Gad, Aser, Isacar, Zabulón, José xuqujeʼ Benjamín. Chiʼ kqʼax ri tiempo, Jehová kukoj ri José, jun chke ri ukʼojol ri Jacob, che ukolik ri utinamit. ¿La kawaj kawetaʼmaj jas xubʼan che ubʼanik? Chqilaʼ.