KʼUTUNEM 14

Chakʼutuʼ ri kʼutunem nim ubʼanik

Hebreos 8:1

RESUMEN: Cheʼatoʼ ri auditorio rech kesach taj are chiʼ kkitatabʼej ri achʼabʼal. Chaqʼalajisaj ri ubʼanik ri e kʼutunem nim kibʼanik rukʼ ri ubʼiʼ ri chʼabʼal xuqujeʼ ri rumal.

JAS KBʼAN CHE UBʼANIK

Chawetaʼmaj ri kawaj kabʼano. Chatchoman chrij ri kawaj kakʼut rukʼ ri chʼabʼal: xaq xiw kawaj kaya ubʼixik, kawaj kkilo che qastzij ri kakʼutu o kawaj che ri winaq kkibʼan pa kikʼaslemal. Chatchoman chrij wariʼ are chiʼ katijoj awibʼ. Chakojoʼ achuqʼabʼ rech ri e pixabʼ nim kibʼanik katkitoʼ che ukʼutik ri qas kajwatajik.

Chachomaj wariʼ: «¿Jas preguntas o qʼatebʼal uwach tzij weneʼ kkibʼan ri kintatabʼenik, xuqujeʼ jachin chke kkibʼan nabʼe?». Tekʼuriʼ, chasukʼumaj ri kawaj kaya ubʼixik pa cholajil rech ri kattatabʼenik kʼax ta kkibʼan che uchʼobʼik xuqujeʼ qas kkikojo.
Chayaʼ uchuqʼabʼ ri tzij re ri ubʼiʼ ri achʼabʼal. Pa ronojel ri chʼabʼal, chakojoʼ tzij che kʼo ubʼanik rukʼ ri ubʼiʼ o tzij che kjunamataj rukʼ.
Chakʼutuʼ ri pixabʼ che nim ubʼanik rukʼ tzij che qas kqʼalajinik xuqujeʼ kʼax ta uchʼobʼik. Xaq xiw chachaʼ ri kʼutunem che kʼo ubʼanik rukʼ ri ubʼiʼ xuqujeʼ che katkun che uyaʼik pa ri tiempo che yaʼom chawe. Kʼi taj kachaʼo xuqujeʼ qas utz chabʼanaʼ che uqʼalajisaxik. Chatchʼaw chrij pa kijujunal, chayaʼ uxoʼl jujun chke, xuqujeʼ xaq ta aninaq katqʼax pa jun chi punto.

Katkunik kabʼij chkijujunal ri e kʼutunem che nim kibʼanik are chiʼ kamajij uyaʼik ri achʼabʼal rech qas kattatabʼexik o kabʼij chi jumul are chiʼ kakʼis ri chʼabʼal rech knaʼtaj chke konojel ri xakʼutu.