KʼUTUNEM 18

Uyaʼik tijonik che qas kajwatajik

1 Corintios 9:19-23

RESUMEN: Chabʼanaʼ che kkikoj ri kichomanik ri kattatabʼenik. Chabʼanaʼ che kkinaʼ che xketaʼmaj jun jastaq che qas keʼutoʼ.

Chatchoman chrij ri ketaʼm chi ri kattatabʼenik. Xaq xiw ta kakamulij ubʼixik ri ketaʼm chik, cheʼatoʼ rech kketaʼmaj jun chi jastaq chrij ri kʼutunem.

Kakoj ta más tiempo che ri ketaʼm chik, are chakojoʼ más tiempo che ukʼutik kʼakʼ taq chomanik.
Chatzukuj más etaʼmanik xuqujeʼ chatchoman chrij. We katkunik, chatchʼaw chrij tzij o jastaq che qas ta etaʼmatalik xuqujeʼ chatchʼaw chrij bʼantajik che kʼateʼ kebʼ oxibʼ qʼij bʼantajinaq rech kaqʼalajisaj jun pixabʼ che nim ubʼanik. Qas chatchoman chrij ri bʼantajik riʼ xuqujeʼ ri ubʼanik rukʼ ri kawaj kaya ubʼixik.

Are chiʼ tajin katijoj awibʼ, chatchoman chrij wariʼ: ¿jas rumal?, ¿jasche?, ¿jampaʼ?, ¿jachiʼ?, ¿jachin?, xuqujeʼ ¿jas ubʼanik? Chayaʼ más uchuqʼabʼ ri atijonik rukʼ ri e preguntas riʼ xuqujeʼ chabʼij ri kraj kubʼij.
Chakʼutuʼ ri kbʼan che ukojik ri tzij xabʼij. Chayaʼ ubʼixik ri tobʼanik kkiya ri textos bíblicos pa kikʼaslemal ri kattatabʼenik. Chakʼutuʼ ri jastaq che e kʼulmatajinaq, e bʼantajik xuqujeʼ nikʼaj chi jastaq che ketaʼm ri kattatabʼenik.