KʼUTUNEM 10
¿Jasche utz katbʼe pa ri riqbʼal ibʼ kukʼ ri testigos rech Jehová?
¿La kʼo jumul at sikʼim pa ri riqbʼal ibʼ kech ri testigos rech Jehová? We kʼo ta jumul at bʼenaq, weneʼ kachomaj che kaxiʼj awibʼ we katbʼek. Xuqujeʼ weneʼ kachomaj: «¿Jas kkibʼan ri testigos rech Jehová pa ri kiriqbʼal ibʼ? ¿Jasche nim ubʼanik chkiwach e areʼ? ¿La rajawaxik kibʼe in?». Pa wajun kʼutunem riʼ kawetaʼmaj na che ri riqbʼal ibʼ, katutoʼo rech knimar ri awachilanik rukʼ ri Dios y katutoʼ pa ri akʼaslemal.
1. ¿Jasche kqamulij qibʼ?
Jun chke ri xetzʼibʼan ri Biblia xubʼij che pa ri riqbʼal ibʼ kojkunik kqaya uqʼij ri Jehová (Salmo 26:12). Xuqujeʼ kimik ri testigos rech Jehová kkimulij kibʼ y wariʼ kuya nimalaj kikotemal chke. Cho ronojel ri uwach Ulew, ronojel taq semanas kkimulij kibʼ che uyaʼik uqʼij ri Dios, kkibʼan bʼixonem y chʼawem. Y jujun taq mul pa jun junabʼ kkimulij kibʼ pa nimaʼq taq riqbʼal ibʼ.
2. ¿Jas kawetaʼmaj pa ri qariqbʼal ibʼ?
Pa ri e riqbʼal ibʼ kkoj ri Biblia, y chilaʼ kyaʼ wi ubʼixik ri kraj kubʼij (chasikʼij Nehemías 8:8). We katbʼe pa ri e riqbʼal ibʼ chilaʼ kawetaʼmaj más chrij ri Jehová. Chiʼ kawetaʼmaj che katuloqʼoqʼej, más kawaj riʼ che kux awachiʼl. Xuqujeʼ kawetaʼmaj na ri katutoʼo rech katkikot pa ri akʼaslemal (Isaías 48:17, 18).
3. ¿Jas tobʼanik kkiya ri winaq chawe che kawetaʼmaj kiwach pa ri e riqbʼal ibʼ?
Jehová kubʼij ri e tzij riʼ chqe: «chqililaʼ qibʼ, chqapixbʼela qibʼ che ri loqʼoqʼebʼal qakʼuʼx xuqujeʼ ri utzalaj taq chak. Maqayaʼ kan ri umulixik qibʼ» (Hebreos 10:24, 25). Pa taq ri qariqbʼal ibʼ kariq winaq che kkiloqʼoqʼej kibʼ y che junam awukʼ at, kkaj kketaʼmaj más chrij ri Dios. Y kataʼ na ri kkichomaj chrij ri Biblia (chasikʼij Romanos 1:11, 12). Xuqujeʼ kawetaʼmaj na kiwach jujun taq winaq che kiqʼaxem kʼax pa ri kikʼaslemal, che e kʼulanik o e kʼulan taj. Ri xqilo are jujun chke ri rumal che Jehová kraj che kqamulij qibʼ.
CHANIMARISAJ RI AWETAʼMANIK
Chqilampeʼ jas ubʼanik ri riqbʼal ibʼ che kkibʼan ri testigos rech Jehová y jasche rajawaxik kakoj achuqʼabʼ rech katbʼek.
4. Ri kiriqbʼal ibʼ ri testigos rech Jehová
Pa ri nabʼe siglo, ri cristianos xkimulij kibʼ rech xkiya uqʼij ri Jehová (Romanos 16:3-5). Chisikʼij Colosenses 3:16 y chixtzijon chrij wariʼ:
¿Jas xkibʼan ri nabʼe taq cristianos che uqʼijilaxik ri Jehová?
Kimik, ri testigos rech Jehová amaqʼel kkimulij kibʼ pa taq Ja rech Ajawbʼal. Rech kawetaʼmaj más chrij ri riqbʼal ibʼ, chiwilaʼ ri VIDEO. Tekʼuriʼ chiwilaʼ ri wachbʼal re jun riqbʼal ibʼ y chixtzijon chrij wariʼ:
¿Jas kejunamataj wi ri riqbʼal ibʼ che kbʼan pa jun Ja rech Ajawbʼal rukʼ ri kuya ubʼixik Colosenses 3:16?
Junam rukʼ ri xqil pa ri video o pa ri wachbʼal, ¿la kʼo utz xawil che ri kbʼan pa ri riqbʼal ibʼ?
Chisikʼij 2 Corintios 9:7 y chixtzijon chrij wariʼ:
¿Jasche ri testigos rech Jehová kkitaʼ ta pwaq pa ri riqbʼal ibʼ?
Chawilaʼ rukʼ ri awajtij ri wuj che kkoj pa jun chke ri riqbʼal ibʼ.
¿Jas más utz xawil che ri kil na pa ri jun chi riqbʼal ibʼ?
¿La awetaʼm?
Pa jw.org kariqo jawchiʼ kbʼan wi jun riqbʼal ibʼ pa nikʼaj chi tinamit cho ronojel ri uwach Ulew.
Pa ri e riqbʼal ibʼ keyaʼ chʼabʼal, escenificaciones y kkʼut videos. Konojel ri riqbʼal ibʼ kmajtaj rukʼ jun bʼixonem y jun chʼawem xuqujeʼ je kbʼanik are chiʼ kkʼisik.
Xuqujeʼ ri e kʼo pa ri riqbʼal ibʼ kekunik kkiya kicomentarios.
Konojel kekunik keʼopanik: achijabʼ e ixoqibʼ, nim chi kijunabʼ y akʼalabʼ...
Pa ri e kiriqbʼal ibʼ ri testigos rech Jehová kmol ta pwaq y ktoj ta ri okibʼal.
5. Kajwataj chuqʼabʼ rech kojbʼe pa ri e riqbʼal ibʼ
Chojchoman chrij ri ufamilia ri Jesús, che e kʼo pa Nazaret. Rajawaxik xebʼin oxibʼ qʼij pa ri juyubʼ rech xebʼe pa ri templo jumul pa jun junabʼ. Chisikʼij Lucas 2:39-42 y chixtzijon chrij wariʼ:
¿Jas kachomaj at, la rajawaxik xkikoj kichuqʼabʼ rech xebʼe pa Jerusalén?
E kʼu ri at, ¿jas rajawaxik kabʼano rech katbʼe pa ri e riqbʼal ibʼ?
¿La kachomaj che nim ubʼanik kakoj achuqʼabʼ? ¿Jasche?
Ri Biblia kubʼij che nim ubʼanik kqamulij qibʼ rech kqaya uqʼij ri Jehová. Chisikʼij Hebreos 10:24, 25 y chixtzijon chrij wariʼ:
¿Jasche rajawaxik kqakʼamansaj qibʼ kojbʼe pa ri e riqbʼal ibʼ?
RI KKICHOMAJ JUJUN WINAQ: «Rajawaxik taj kojkʼojiʼ pa jun kojonem rech kqaqʼijilaj ri Dios».
¿Jas texto o kʼutbʼal re ri Biblia kukʼut ri kraj ri Jehová che kqabʼano?
RI XQETAʼMAJ
Ri e riqbʼal ibʼ katutoʼo rech kawetaʼmaj más chrij ri Jehová, kanimarisaj ri awachilanik rukʼ y kaqʼijilaj kukʼ nikʼaj chi winaq.
¿La knaʼtaj chawe?
¿Jasche kraj ri Jehová che kojbʼe pa ri e riqbʼal ibʼ?
¿Jas kawetaʼmaj pa ri e riqbʼal ibʼ che kkibʼan ri testigos rech Jehová?
¿Jas kachomaj at, jas utzilal kariqo we katbʼe pa ri e riqbʼal ibʼ?
CHAWILAʼ CHI NIKʼAJ
¿La kaxibʼij awibʼ katbʼe pa ri e riqbʼal ibʼ? Chawilampeʼ jas xubʼan jun achi rech utz xril ri riqbʼal ibʼ.
¡Kʼo ta jumul ksach chqe ri xkibʼan che uyaʼik rutzil qawach! (4:16)
Chawetaʼmaj ri xubʼan jun ala che utz kril ri e riqbʼal ibʼ y chawilaʼ ri xubʼano rech kuya ta kan bʼenam.
Chawilaʼ ri kkibʼij jujun chrij ri e riqbʼal ibʼ.
«¿Jasche rajawaxik kojbʼe pa ri riqbʼal ibʼ pa ri Ja rech Ajawbʼal?» (Kʼutunem re jw.org)
Chawilaʼ ri xubʼan ri e riqbʼal ibʼ che kkibʼan ri testigos rech Jehová che ukʼexik ri ukʼaslemal jun pandillero.
«Amaqʼel kinwukʼaj ri nupistola» (La Atalaya, 1 re julio 2014)