KʼUTUNEM 30
¡Kekʼastaj na ri kaminaqibʼ!
Ri kamikal kuya nimaʼq taq bʼis y kʼaxkʼolil. Rumal laʼ, ri Biblia kubʼij che ri kamikal are jun kʼulel (1 Corintios 15:26). Pa ri kʼutunem 27, xqetaʼmaj che ri Jehová kusachisaj na uwach ri kamikal. Are kʼu, ¿jas kkʼulmataj na kukʼ ri winaq che e kaminaq chik? Pa wajun kʼutunem riʼ, kqetaʼmaj na jun chi tzujunik re ri Jehová: che keʼukʼasuj na ri kaminaqibʼ rech kkiriq jun kʼaslemal che kʼo ta ukʼisik. ¡Kekʼastaj chi na jumul! ¿La qastzij kbʼantaj wariʼ? ¿Y la pa ri kaj kekʼastaj wi o cho ri uwach Ulew?
1. ¿Jas kraj ri Jehová chke ri qafamilias o ri qachiʼl che e kaminaq?
Jehová kraj kuya chi jumul kikʼaslemal ri winaq che e kaminaq chik. Job, jun achi che xkʼojiʼ nim ukojonik, qas xretaʼmaj che ksach ta pa ujolom ri Dios are chiʼ kkamik y chiʼ kʼo pa ri Muqbʼal. Xubʼij che ri Dios: «Lal kinsikʼij na la riʼ, areʼ kʼu ri in kintzelen na wachaj» (chasikʼij Job 14:13-15).
2. ¿Jasche qetaʼm che ri kaminaqibʼ kekʼastaj chi na uloq?
Are chiʼ ri Jesús xkʼojiʼ cho ri uwach Ulew, Dios xuya uchuqʼabʼ rech xkunik xeʼuwalajisaj ri kaminaqibʼ. Rumal laʼ ri Jesús xukʼastajisaj jun alaj ali che 12 ujunabʼ y ri ral jun malkaʼn ixoq (Marcos 5:41, 42; Lucas 7:12-15). Y chiʼ qʼaxinaq chi jubʼiqʼ tiempo ri Lázaro xkamik. Paneʼ kajibʼ qʼij chik kaminaq, ri Jesús xkunik xukʼastajisaj na. Nabʼe xubʼan uchʼawem che ri Dios, tekʼuriʼ xuraq uchiʼ chuchiʼ ri jul y xubʼij: «¡Lázaro, chatel uloq!». Y «xel uloq ri kaminaq kanoq» (Juan 11:43, 44). ¡Chachomajampeʼ ri kikotemal che xkinaʼ ri ufamilia y ri e rachiʼl ri Lázaro!
3. ¿La kekʼasiʼ chi na jumul ri qafamilia y ri qachiʼl che e kaminaq?
Ri Biblia kubʼij che «kekʼastaj na ri kaminaqibʼ» (Hechos 24:15). Ri winaq che xeʼukʼastajisaj ri Jesús xebʼe ta pa ri kaj (Juan 3:13). Konojel xekikotik are chiʼ xyaʼ chi jumul kikʼaslemal pa ri uwach Ulew. Junam rukʼ ri xbʼan ojer, ri Jesús keʼuwalajisaj na kʼi kaminaqʼibʼ y kuya na jun kikʼaslemal che kʼo ta ukʼisik pa jun kotzʼiʼjalaj uwach Ulew. Ri areʼ xubʼij: «konojel ri kaminaqibʼ [...], keʼel na uloq pa taq ri muqbʼal»—kraj kubʼij ri kenaʼtaj che ri Dios—xuqujeʼ kekʼastajisax na ri winaq che kʼo ta nijun xretaʼmaj kiwach (Juan 5:28, 29).
CHANIMARISAJ RI AWETAʼMANIK
Chqilaʼ ri kukʼut ri Biblia chrij ri kikʼastajibʼal ri kaminaqibʼ y che qastzij kbʼantaj na. Y chqilaʼ ri kubʼsal kʼuʼx che kuya ri kʼastajibʼal chqe.
4. Jesús xukʼutu che kkunik keʼuwalajisaj ri kaminaqibʼ
Chqilaʼ más chrij ri xubʼan Jesús che ri Lázaro. Chisikʼij Juan 11:14 y 38-44, y chixtzijon chrij wariʼ:
¿Jasche qetaʼm che ri Lázaro qastzij xkamik? (Chiwilaʼ ri versículo 39).
We ri Lázaro xbʼe pa ri kaj, ¿la utz xubʼan riʼ ri Jesús che xuwalajisaj chi jumul cho ri uwach Ulew?
5. ¡E kʼi winaq kekʼasux na!
Chisikʼij Salmo 37:29 y chixtzijon chrij wariʼ:
¿Jawchiʼ kekʼojiʼ wi ri e winaq che kekʼastaj loq?
Ri Jesús xaq xiw ta keʼukʼasuj ri winaq che xepatanin che ri Jehová; xaneʼ xuqujeʼ keʼukʼasuj na ri xkichʼobʼ ta uwach ri Dios. Chisikʼij Hechos 24:15 y chixtzijon chrij wariʼ:
Are chiʼ kekʼasux ri kaminaqibʼ, ¿jachin kawaj kawil uwach?
Chatchoman chrij wariʼ: ri Jesús kʼax ta kubʼan che kikʼasuxik ri kaminaqibʼ, junam rukʼ ri kubʼan jun tat che ri ukʼojol che tajin kwarik.
6. Ri kʼastajibʼal kuya kubʼsal kʼuʼx
Ri bʼantajik re ri umiʼal ri Jairo uyaʼom kubʼsal kʼuʼx chke kʼi winaq che kaminaq jun kifamiliar. Chisikʼij wariʼ pa Lucas 8:40-42 y 49-56.
Are chiʼ ri Jesús majaʼ kukʼastajisaj ri umiʼal ri Jairo, xubʼij che: «Maxeʼj awibʼ. Xuwi chatkojonoq» (chiwilaʼ ri versículo 50). ¿Jas katutoʼ wi ri kʼastajibʼal are chiʼ...
... kkam jun chke ri afamilia o awachiʼl?
... ri akʼaslemal kʼo pa kʼax?
Chiwilaʼ ri VIDEO y chixtzijon chrij wariʼ:
¿Jas kubʼsal kʼuʼx uyaʼom ri kʼastajibʼal chke ri utat unan Phelicity?
RI KKICHOMAJ JUJUN WINAQ: «Kinkoj taj che cho ri uwach Ulew kekʼojiʼ wi ri kaminaqibʼ che kekʼastaj loq».
¿Jas kachomaj at?
¿Jas texto re ri Biblia kakojo rech kakʼutu che cho ri uwach Ulew kekʼastaj wi ri kaminaqibʼ?
RI XQETAʼMAJ
Ri Biblia kubʼij che e kʼi winaq kekʼastaj na uloq. Jehová kraj che ri winaq kekʼasiʼ chi jumul y uyaʼom chuqʼabʼ che ri Jesús rech kkunik keʼukʼasuj.
¿La knaʼtaj chawe?
¿Jasche qetaʼm che ri Jehová y ri Jesús qas kkaj kkiya chi jumul kikʼaslemal ri kaminaqibʼ?
¿Jawchiʼ kekʼojiʼ wi ri kaminaqibʼ che kekʼasux na: pa ri kaj o cho ri uwach Ulew? ¿Jasche je kachomaj?
¿Jasche qas kakojo che kekʼastaj na ri kaminaqibʼ?
CHAWILAʼ CHI NIKʼAJ
Chasikʼij jujun kʼutunem rech katkunik kachʼij ri bʼis che kuya ri kamikal.
«Tobʼanik chke ri tajin kkiqʼaxej bʼis rumal ri kamikal» (¡Despertad!, núm. 3 2018)
¿La kkun ri Biblia che utoʼik jun winaq che kʼo pa bʼis?
Chawilaʼ jas tobʼanik katkunik kaya che jun alaj akʼal che xkam jun ufamiliar o jun rachiʼl.
¿La e kʼo winaq kekʼastaj pa ri kaj? ¿La e kʼo kekʼasux taj?