KʼUTUNEM 35
¿Jas kqabʼano rech utz kqabʼan che uchaʼik ri kqaj kqabʼano?
Qonojel kqachaʼ ri kqaj kqabʼano, y wariʼ kʼo kubʼan pa ri qakʼaslemal y rukʼ ri qachilanik rukʼ ri Jehová. Jun kʼutbʼal, weneʼ kqachaʼ jawchiʼ kqaj kojkʼojiʼ wi, jas kqabʼan che ri kajwataj chqe y we kojkʼuliʼk o kojkʼuliʼ taj. We utz ri kqachaʼ ubʼanik, kojkikotik y kqaya kikotemal che ri Jehová.
1. ¿Jas kubʼan ri Biblia che atoʼik rech utz ri kachaʼ ubʼanik?
Are chiʼ majaʼ kachaʼ ubʼanik jun jastaq, chataʼ ri utobʼanik ri Jehová. Y chatzukuj pa ri Biblia ri kuchomaj ri areʼ chrij (chasikʼij Proverbios 2:3-6). Weneʼ jujun taq mul kawilo che ri Jehová kuya jun taqanik chawe, are más utz na we kanimaj.
¿Jas kkʼulmataj riʼ we pa ri Biblia kariq ta jun taqanik chrij jun jastaq che kawaj kabʼano? Paneʼ je wariʼ, ri Jehová kukʼut ri bʼe chawach jachike ri utz (Isaías 48:17). ¿Jas kubʼan che ubʼanik? Kukoj ri Biblia che atoʼik. Ri pixabʼ che kʼo chupam katutoʼ che retaʼmaxik ri kuchomaj ri Jehová y ri kunaʼo. Are chiʼ kasikʼij jun bʼantajik pa ri Biblia, kawetaʼmaj ri kuchomaj ri Jehová chrij jun jastaq, y wariʼ katutoʼo rech kachaʼ ri utz krilo.
2. ¿Jas chrij rajawaxik katchoman wi chiʼ kachaʼ ubʼanik jun jastaq?
Ri Biblia kubʼij che «ri utz kachomanik kril na jawijeʼ kbʼin wi» (Proverbios 14:15). Wariʼ kraj kubʼij che are chiʼ kachomaj ubʼanik jun jastaq rajawaxik nabʼe kachomaj jas kabʼan che. Tekʼuriʼ chatchoman chrij wariʼ: «¿Jas texto kʼolik che kchʼaw chrij wariʼ? ¿Jachin chke más utz kinbʼano? ¿Jas kubʼan chke nikʼaj chik ri kinchaʼ ubʼanik? Y más na, ¿la kuya kikotemal che ri Jehová?» (Deuteronomio 32:29).
Ri Dios taqal che, che kubʼij chqe ri utz y ri utz taj. Are chiʼ qas kqachʼobʼ ri utaqanik che kʼo pa ri Biblia qas kqaj kqanimaj, y je wariʼ kkʼojiʼ jun utz retaʼmabʼal qakʼuʼx (conciencia). Ri retaʼmabʼal qakʼuʼx jetaneʼ are jun chʼabʼal che kubʼij chqe ri utz y ri utz taj (Romanos 2:14, 15). We qas kqatijoj ri retaʼmabʼal qakʼuʼx utz kqabʼan riʼ che uchaʼik ri jastaq.
CHANIMARISAJ RI AWETAʼMANIK
Chqanikʼoj ri kubʼan ri upixabʼ ri Dios y ri retaʼmabʼal qakʼuʼx are chiʼ kqachaʼ ubʼanik jun jastaq.
3. Chqayaʼ, che ri Biblia kukʼam qabʼe
¿Jas kubʼan ri pixabʼ re ri Biblia che qatoʼik are chiʼ kqachaʼ ubʼanik jun jastaq? Chiwilaʼ ri VIDEO y chixtzijon chrij wariʼ:
¿Jas riʼ ri libre albedrío?
¿Jasche xuya ri Jehová chke ri winaq?
¿Jas uyaʼom Jehová chqe rech qas utz kqabʼan che ukojik ri libre albedrío?
Rech kiwil jun pixabʼ re ri Biblia, chisikʼij Efesios 5:15, 16. Tekʼuriʼ chixchʼaw chrij ri kbʼan che ukojik ri tiempo rech...
... amaqʼel kqasikʼij ri Biblia.
... kojux utz taq achajil, ixoqil, nan tat, o alkʼwalaxelabʼ.
... kojbʼe pa ri e riqbʼal ibʼ rech ri congregación.
4. Chatijoj ri retaʼmabʼal akʼuʼx rech utz kel ri kachaʼ ubʼanik
Are chiʼ kʼo jun texto che kchʼaw chrij ri kawaj kabʼano, kʼax ta kabʼan che uchaʼik ri kachomaj. ¿E kʼu we kʼo taj? Chiwilaʼ ri VIDEO y chixtzijon chrij wariʼ:
Junam rukʼ ri xqil pa ri video, ¿jas xubʼan ri qachalal rech xutijoj ri retaʼmabʼal ukʼuʼx y xuchaʼ ubʼanik ri kqaj chuwach ri Jehová?
¿Jasche utz taj che xa kqataʼ che jun chik ri kqaj kqabʼano? Chisikʼij Hebreos 5:14 y chixtzijon chrij wariʼ:
Paneʼ utz che kqataʼ che jun chik ri kqaj kqabʼano, are kʼu ¿jasche rajawaxik chqajujunal kqachaʼ ri kqaj kqabʼano?
¿Jas tobʼanik kʼolik rech utz kqabʼan che utijoxik ri retaʼmabʼal qakʼuʼx y utz kqabʼan che uchaʼik ri kqaj kqabʼano?
Ri retaʼmabʼal qakʼuʼx kjunamataj rukʼ jun mapa, che kojutoʼ che retaʼmaxik ri kqaj kqabʼan pa ri qakʼaslemal.
5. Nim chawilaʼ ri kkichomaj ri nikʼaj chik
Rumal che qonojel jalan ri qabʼanik, xuqujeʼ jalan ri kqachaʼ ubʼanik. ¿Jas kqabʼan che ukʼutik che nim kqil wi ri kkichomaj ri nikʼaj chik? Chqilaʼ kebʼ kʼutbʼal.
Nabʼe: Jun qachalal ixoq che utz krilo kukoj maquillaje xbʼe pa jun chi congregación ri e kʼo wi qachalal che utz ta kkilo.
Chisikʼij Romanos 15:1 y 1 Corintios 10:23, 24, y chixtzijon chrij wariʼ:
Junam rukʼ ri kubʼij ri versículo riʼ, ¿jas kuchaʼ ubʼanik riʼ ri qachalal? E kʼu ri at, ¿jas kabʼano we kawaj kabʼan jun jastaq che utz ta kkil ri nikʼaj chik?
Ukabʼ: Jun qachalal achi kraj taj kutij tzam paneʼ retaʼm che awas taj ktijik. Jun qʼij chiʼ xsikʼix kumal nikʼaj chi qachalal xrilo che ri e areʼ tajin kkitij jubʼiqʼ.
Chisikʼij Eclesiastés 7:16 y Romanos 14:1, 10, y chixtzijon chrij wariʼ:
Junam rukʼ ri kubʼij ri versículo riʼ, ¿jas kuchaʼ ubʼanik riʼ ri qachalal? E kʼu ri at, ¿jas kabʼano we kawaj kabʼan jun jastaq che utz ta kkil ri nikʼaj chik?
Ri rajawaxik kabʼano are chiʼ kachaʼ jun jastaq
1. Chataʼ che ri Jehová che katutoʼ che uchaʼik ri kawaj kabʼano (Santiago 1:5).
2. Chatzukuj información pa ri Biblia y pa taq ri qawuj che e kʼolik che kchʼaw chrij wariʼ. Xuqujeʼ katkunik kataʼ tobʼanik chke ri qachalal che kʼo jun ko kikojonik.
3. Chatchoman chrij ri kubʼan ri kachaʼ ubʼanik che ri retaʼmabʼal akʼuʼx y che ri ke ri nikʼaj chik.
RI KKICHOMAJ JUJUN WINAQ: «Ri at katkunik kabʼano jas kawaj. ¡Kʼo ta ke ri nikʼaj che!».
¿Jasche rajawaxik che kojchoman chrij ri kunaʼ ri Dios xuqujeʼ ri nikʼaj chik?
RI XQETAʼMAJ
Utz kqabʼan che uchaʼik ri jastaq are chiʼ kojchoman chrij ri kuchomaj ri Jehová y kojchoman chrij we kubʼan kʼax chke ri nikʼaj chik.
¿La knaʼtaj chawe?
¿Jas kabʼano rech are kachaʼ ubʼanik ri kqaj chuwach ri Jehová?
¿Jas kabʼan che utijoxik ri retaʼmabʼal akʼuʼx?
¿Jas kabʼan che ukʼutik che nim kawil wi ri kkichomaj ri nikʼaj chik?
CHAWILAʼ CHI NIKʼAJ
¿Jas kabʼano rech are kachaʼ ubʼanik ri kunimarisaj ri awachilanik rukʼ ri Dios?
«Are chqachaʼ ubʼanik ri kuya uqʼij ri Dios» (La Atalaya, 15 re abril 2011)
Chawetaʼmaj ri kubʼan ri Jehová che qapixbʼexik.
Chawilaʼ ri xubʼan jun achi che uchaʼik jun jastaq che kʼax ubʼanik.
Chawetaʼmaj más chrij ri kabʼan che ukikotisaxik ri Jehová are chiʼ kariq ta pa ri Biblia ri kawaj kabʼano.
«¿La rajawaxik che ri Biblia kubʼij na chqe ri kqabʼano?» (La Atalaya, 1 re diciembre 2003)