KʼUTUNEM 46
¿Jasche rajawaxik kqajach ri qakʼaslemal che ri Dios y kqabʼan qaqasanjaʼ?
Are chiʼ jun winaq kujach ri ukʼaslemal che ri Jehová, kubʼij che pa jun chʼawem che xaq xiw ri areʼ kuqʼijilaj y che kubʼan pa ri ukʼaslemal ri kubʼij (Salmo 40:8). Are chiʼ kubʼan ri uqasanjaʼ kukʼut chkiwach konojel che ujachom chi ri ukʼaslemal che ri Dios. Ujachik ri kʼaslemal che ri Jehová kuya utzilal. Xuqujeʼ kukʼex ri kʼaslemal. ¿Jas kbʼanowik che kawaj kajach ri akʼaslemal che ri Dios y kabʼan ri aqasanjaʼ?
1. ¿Jas kbʼanow chqe che kqajach ri qakʼaslemal che ri Jehová?
Ri loqʼoqʼebʼal kubʼano che kqajach ri qakʼaslemal che ri Jehová (1 Juan 4:10, 19). Ri Biblia kubʼij: «Chaloqʼoqʼej bʼaʼ ri Ajawaxel aDios rukʼ ronojel awanimaʼ, rukʼ ronojel akʼaslibʼal, rukʼ ronojel achomanik xuqujeʼ rukʼ ronojel achuqʼabʼ» (Marcos 12:30). Rukʼ ri kqabʼano y ri kqabʼij kqakʼutu che kqaloqʼoqʼej ri Jehová. Kojkunik kqajunamaj wariʼ rukʼ jun achi y jun ixoq che rumal ri loqʼoqʼebʼal kekʼulik. Ri oj kqaj kqajach ri qakʼaslemal che ri Jehová y kqabʼan ri qaqasanjaʼ rumal che sibʼalaj kqaloqʼoqʼej.
2. ¿Jas tewchibʼal kuya ri Jehová chke ri Testigos che kibʼanom chi kiqasanjaʼ?
Are chiʼ kabʼan aqasanjaʼ, katkʼojiʼ pa ri ufamilia ri Jehová che sibʼalaj kekikotik. Kubʼano che kanaʼ ri uloqʼoqʼebʼal ri Dios y kanaʼo che naqaj at kʼo wi che (chasikʼij Malaquías 3:16-18). Xaq xiw ta kux atat ri Jehová xaneʼ xuqujeʼ katkʼojiʼ pa jun familia che kʼo cho ronojel ri uwach Ulew jawchiʼ e kʼo wi qachalal che kkaj ri Dios xuqujeʼ katkaj at (chasikʼij Marcos 10:29, 30). Rech kabʼan aqasanjaʼ rajawaxik kabʼan na jujun taq jastaq. Rajawaxik kawetaʼmaj uwach ri Jehová, kaloqʼoqʼej y kakʼutu che katkojon chrij ri uKʼojol. Chukʼisbʼal, rajawaxik kabʼij che ri Jehová pa jun chʼawem che kajach ri akʼaslemal che. We kabʼan ronojel wariʼ y kabʼan aqasanjaʼ katkun riʼ kariq jun kʼaslemal che kʼo ta ukʼisik. Ri uTzij ri Dios kubʼij: «Ri qasnaʼ che kixkolowik» (1 Pedro 3:21, TW).
CHANIMARISAJ RI AWETAʼMANIK
Chqilaʼ jasche sibʼalaj nim upatan che kajach ri akʼaslemal che ri Jehová y kabʼan aqasanjaʼ.
3. Qonojel kqachaʼ jachin kqaj kqapatanij
Ri ojer tinamit rech Israel, xkichomaj che kekunik kkiqʼijilaj ri Jehová y kkiqʼijilaj ri dios Baal. Are kʼu utz ta ri xkibʼano. Rumal laʼ ri Jehová xutaq lo ri profeta Elías che kitoʼik. Chisikʼij 1 Reyes 18:21 y chixtzijon chrij wariʼ:
¿Jas rajawaxik xkichaʼ ubʼanik ri israelitas?
Junam kukʼ ri israelitas, oj xuqujeʼ rajawaxik kqachaʼ jachin kqaj kqapatanij. Chisikʼij Lucas 16:13 y chixtzijon chrij wariʼ:
¿Jasche utz taj kqaqʼijilaj ri Jehová y kqaqʼijilaj jun winaq o jun chi jastaq?
¿Jas rajawaxik kqabʼano rech ri Jehová krilo che are ri areʼ kqachaʼ uqʼijilaxik?
4. Chatchoman chrij ri loqʼoqʼebʼal che kunaʼ ri Jehová chawe
Ri Jehová uyaʼom kʼi taq sipanik chqe. ¿Jas kojkunik kqaya che? Chiwilaʼ ri VIDEO.
¿Jas ubʼanom ri Jehová che ukʼutik loqʼoqʼebʼal chawe? Chisikʼij Salmo 104:14, 15 y 1 Juan 4:9, 10, y chixtzijon chrij wariʼ:
¿Jas sipanik kawaj kamaltyoxij che ri Jehová?
¿Jas kanaʼ che ri Jehová are chiʼ katchoman chrij ri uyaʼom chawe?
Are chiʼ jun winaq kuya jun sipanik chqe che sibʼalaj utz kqilo kqaj kqakʼut chuwach che sibʼalaj kojmaltyoxinik. Chisikʼij Deuteronomio 16:17 y chixtzijon chrij wariʼ:
Are chiʼ katchoman chrij ronojel ri jastaq che uyaʼom ri Jehová chawe, ¿la kawaj kaya jun sipanik che? ¿Jas kaya riʼ che?
5. Ri ujachik ri kʼaslemal che ri Dios kuya kʼi tewchibʼal
E kʼi winaq kkichomaj che ri kyaʼow kikotemal chke are che ketaʼmax kiwach kumal ri winaq, kkʼojiʼ jun utzalaj kicarrera o kkʼojiʼ jun nimalaj kiqʼinomal. Are kʼu, ¿la qastzij wariʼ? Chiwilaʼ ri VIDEO y chixtzijon chrij wariʼ:
¿Jasche jun achi xuya kan ri fútbol paneʼ sibʼalaj utz kunaʼ ubʼanik?
Ri areʼ xraj xujach ri ukʼaslemal che ri Jehová y man che ta ri fútbol. ¿La utz xuchaʼ wajun achi riʼ? ¿Jasche?
Are chiʼ majaʼ kux cristiano, ri apóstol Pablo xkʼojiʼ jun utzalaj ucarrera xuqujeʼ xtijox rumal jun achi che sibʼalaj kʼo retaʼmabʼal chrij ri ley judía. Are kʼu xuya kan ronojel rech xux cristiano. ¿La xubʼisoj ri xuya kanoq? Chisikʼij Filipenses 3:8 y chixtzijon chrij wariʼ:
¿Jasche Pablo xujunamaj rukʼ «mes» ronojel ri xubʼan nabʼe kanoq?
¿Jas tewchibʼal xuriqo?
¿La kariq utzilal riʼ we kachaʼ upatanexik ri Jehová? ¿Jasche kachomaj wariʼ?
Are chiʼ ri Pablo xux cristiano, xuriq kʼi taq tewchibʼal.
RI KKICHOMAJ JUJUN WINAQ: «Kʼo ta upatan kajach akʼaslemal che ri Dios».
¿La kʼo upatan kajach ri akʼaslemal che ri Dios? ¿Jasche?
RI XQETAʼMAJ
Ri loqʼoqʼebʼal che kqanaʼ che ri Jehová kubʼano che kqajach ri qakʼaslemal che y kqabʼan qaqasanjaʼ.
¿La knaʼtaj chawe?
¿Jasche taqal che ri Jehová che kqaloqʼoqʼej rukʼ ronojel ri qanimaʼ y kqaqʼijilaj?
¿Jas tewchibʼal kuya ri Jehová chke ri uTestigos che kibʼanom chi kiqasanjaʼ?
¿La kawaj kajach ri akʼaslemal che ri Jehová?
CHAWILAʼ CHI NIKʼAJ
Chawilaʼ jasche jun cantante y jun deportista xkaj xkijach kikʼaslemal che ri Jehová.
Chawilaʼ jasche are más utz kajach ri akʼaslemal che ri Jehová.
«¿Jasche kqajach ri qakʼaslemal che ri Jehová?» (La Atalaya, 15 re enero 2010)
Chawilaʼ pa wajun video musical, ri kikotemal che kkiriq ri winaq che kkijach ri kikʼaslemal che ri Jehová.
Chawilaʼ jasche jun ixoq xukʼex ri xuchomaj ubʼanik pa ri kʼutunem: «Kʼi junabʼ xinchoman chrij jasche oj kʼo waral».
«Ri Biblia xukʼex ri kikʼaslemal» (La Atalaya, 1 re noviembre 2012)