KʼUTUNEM 49

¿Jas kabʼano rech kʼo kikotemal pa ri afamilia? (Nabʼe uchʼaqapil)

Ri k'o pa ri wuj

Ri kʼateʼ xekʼuliʼk kkaj taj che kkʼis ri kikotemal che xkinaʼo chiʼ xekʼuliʼk. ¿La kekun che uriqik? Jeʼ kekunik. Rumal che ri cristianos che kkibʼan pa ri kikʼaslemal ri kubʼij ri Biblia kiriqom kikotemal paneʼ kʼi chi junabʼ e kʼulanik.

1. ¿Jas pixabʼ kuya ri Biblia chke ri achajilaxelabʼ?

Ri Jehová xuya bʼe che are ri achajil kukʼam bʼe pa ri familia (chasikʼij Efesios 5:23). Y kraj che ri kuchaʼ ubʼanik qas kuya utzilal che ri ufamilia. Ri Biblia kuya wajun pixabʼ riʼ chke ri achajilaxelabʼ: «Cheʼiloqʼoqʼej ri iwixoqil» (Efesios 5:25). ¿Jas kraj kubʼij wariʼ? Ri achajil che qas kuloqʼoqʼej ri rixoqil kukʼut utzilal che chiʼ e kʼo pa kachoch y chiʼ e kʼo kukʼ nikʼaj chi winaq. Xuqujeʼ rajawaxik kuchajij, kuya ronojel ri kajwataj che y kok il che ri kunaʼo (1 Timoteo 5:8). Y ri más nim ubʼanik are che kuya ri kajwataj che ri rixoqil pa ri ukojonik (Mateo 4:4). Jun kʼutbʼal, junam kkibʼan kichʼawem y kkisikʼij ri Biblia. We ri achajil qas kuloqʼoqʼej ri rixoqil, wariʼ kubʼano che kkʼojiʼ jun utz rachilanik rukʼ ri Jehová (chasikʼij 1 Pedro 3:7).

2. ¿Jas pixabʼ kuya ri Biblia chke ri ixoqilaxelabʼ?

Ri uTzij ri Dios kubʼij che ri ixoqil «rajawaxik nim kril wi ri rachajil» (Efesios 5:33). ¿Jas rajawaxik kubʼano? Rajawaxik kchoman chrij ri utz taq ubʼantajik ri rachajil y nim kril ri chuqʼabʼ che kukoj ri rachajil che uchajixik ri ufamilia. Y kukʼutu che nim kril wi are chiʼ kunimaj ri kuchaʼ ubʼanik, utz kubʼan che uchʼabʼexik y utz kchʼaw chrij, paneʼ junam ta ri kikojonik.

3. ¿Jas kkibʼan ri kʼulaj rech kʼo utzilal pa ri kikʼulanem?

Ri Biblia kubʼij chke ri e kʼulanik: «Ri kebʼ kʼut xa e jun winaq chik» (Mateo 19:5). Wariʼ kraj kubʼij che rajawaxik kkixutuj jujun jastaq che kubʼano che kkijach kibʼ. Rumal laʼ rajawaxik kkesaj kitiempo che ubʼanik jalajoj taq jastaq y rukʼ loqʼoqʼebʼal kkibʼij ri kkichomaj y ri kkinaʼo. Xuqujeʼ kkiya taj che jun jastaq o jun winaq are más nim na ubʼanik chuwach ri kikʼulaj. Y kkikoj kichuqʼabʼ rech kkimaj ta uchʼabʼexik jun chi winaq che are ta ri kikʼulaj.

CHANIMARISAJ RI AWETAʼMANIK

Chqilaʼ jas pixabʼ re ri Biblia kuya utzilal pa ri kʼulanem.

Jun kʼulaj che kichapom kiqʼabʼ kikayem kibʼ. E wachbʼal ke taq kʼulaj che rukʼ kikotemal tajin kkinimarisaj ri kachilanik. Ri taq wachbʼal riʼ keqil na pa wajun kʼutunem riʼ.

4. Achajilaxelabʼ, chiloqʼoqʼej y chichajij ri iwixoqil

Ri Biblia kubʼij: «Ri achi rajawaxik kuloqʼoqʼej ri rixoqil jas ri uloqʼoqʼexik ri ucuerpo ri areʼ chbʼil ribʼ» (Efesios 5:28, 29). ¿Jas kraj kubʼij wariʼ? Chiwilaʼ ri VIDEO y chixtzijon chrij wariʼ:

VIDEO: Achajil, chaloqʼoqʼej ri awixoqil junam rukʼ ri kabʼan che uloqʼoqʼexik awibʼ (9:53)

¿Jas kubʼan ri achajil che ukʼutik loqʼoqʼebʼal che ri rixoqil?

Chisikʼij Colosenses 3:12 y chixtzijon chrij wariʼ:

¿Jas kubʼan ri achajil che ubʼanik ri kubʼij wajun texto riʼ pa ri ukʼulanem?

Jun achajil kukʼam bʼi umeqʼin ri rixoqil che yawabʼ.

Jun kʼulaj junam tajin kekichʼaj ri kilaq.

5. Ixoqilaxelabʼ, chiloqʼoqʼej y nim chiwilaʼ wi ri iwachajil

Ri Biblia kubʼij chke ri ixoqibʼ che rajawaxik nim kkil wi ri kachajil, paneʼ kkipatanij ta ri Jehová. Chisikʼij 1 Pedro 3:1, 2 y chixtzijon chrij wariʼ:

We at kawaj che ri awachajil kupatanij ri Jehová. ¿Jas más utz kabʼano: che amaqʼel katzijoj ri utzalaj taq tzij che o kakʼut rukʼ ri abʼantajik che nim kawilo? ¿Jasche kachomaj wariʼ?

Ri achi xuqujeʼ ri ixoq junam kkichaʼ ubʼanik jujun jastaq. Are kʼu weneʼ ri ixoqil amaqʼel taj utz kril ri kuchaʼ ubʼanik ri rachajil. Chiʼ kkʼulmataj wariʼ ri ixoq rajawaxik rukʼ utz taq tzij kubʼij che ri rachajil ri kuchomaj. Y rajawaxik knaʼtaj che, che are ri Jehová yaʼowinaq bʼe che ri achi che kuchaʼ ubʼanik ri qas kuya utzilal che ri ufamilia. Y kukoj uchuqʼabʼ che unimaxik ri kuchaʼ ubʼanik ri rachajil. Ronojel wariʼ kubʼano che kʼo kikotemal pa ri familia. Chisikʼij 1 Pedro 3:3-5 y chixtzijon chrij wariʼ:

¿Jas kunaʼ ri Jehová chiʼ ri ixoq nim kril wi ri rachajil?

6. Kixkunik kisukʼumaj ri chʼoj pa ri kʼulanem

Kʼo ta nijun kʼulanem tzʼaqat. Rumal laʼ rajawaxik junam kechakunik rech kkiriq ta kʼax. Chiwilaʼ ri VIDEO y chixtzijon chrij wariʼ:

VIDEO: ¿Jas kbʼanik rech kʼo loqʼoqʼebʼal pa ri kʼulanem? (5:44)

¿Jasche qetaʼm che ri kʼulaj che xqil pa ri video qas ta chi kekikotik?
¿Jas xkibʼano rech xkʼojiʼ chi jumul kikotemal pa ri kikʼulanem?

Chisikʼij 1 Corintios 10:24 y Colosenses 3:13. Tekʼuriʼ chisikʼij ri versículos y chixtzijon chrij wariʼ:

¿Jasche kuya utzilal pa ri kʼulanem ubʼanik wajun pixabʼ riʼ?

Ri Biblia kubʼij che rajawaxik nim kqil wi qibʼ. Xuqujeʼ rukʼ utzilal y loqʼoqʼebʼal kqil ri jun chik. Chisikʼij Romanos 12:10 y chixtzijon chrij wariʼ: