KʼUTUNEM 50
¿Jas kabʼano rech kʼo kikotemal pa ri afamilia? (Ukabʼ uchʼaqapil)
Ri alkʼwalaxelabʼ e jun sipanik rech ri Jehová. Ri areʼ kraj che ri e tat nan utz kkibʼan che kilik ri kalkʼwal. Rumal laʼ kuya utz taq pixabʼ chke rech utz kkibʼan che ubʼanik. Xuqujeʼ kuya pixabʼ chke ri alkʼwalaxelabʼ rech kʼo kikotemal pa ri familia.
1. ¿Jas pixabʼ kuya ri Jehová chke ri tat nan?
Ri Jehová kraj che ri tat nan kekiloqʼoqʼej ri kalkʼwal y che kkiya ri kitiempo chke. Y kraj che amaqʼel kekichajij chuwach ri itzelal, xuqujeʼ kekipixbʼej junam rukʼ ri kubʼij ri uTzij ri Dios (Proverbios 1:8). Ri Dios kubʼij chke ri kʼamal taq bʼe pa ri familia: «Miyak koyowal ri e iwalkʼwal [...] cheʼitijoj che ri utzij ri Ajawaxel» (chasikʼij Efesios 6:4). Ri Jehová kraj che ri tat nan kkikoj ri upixabʼ che kikʼiyisaxik ri kalkʼwal y kraj taj che kekiya kan chke nikʼaj chik.
2. ¿Jas pixabʼ kuya ri Jehová chke ri alkʼwalaxelabʼ?
Jehová kubʼij chke ri alkʼwalaxelabʼ: «Cheʼinimaj ri itat inan» (chasikʼij Colosenses 3:20). Are chiʼ ri alkʼwalaxel knimanik y nim keril ri utat unan, sibʼalaj kekikot riʼ ri utat unan xuqujeʼ ri Jehová (Proverbios 23:22-25). Ri Jesús xux jun utzalaj kʼutbʼal; paneʼ tzʼaqat, amaqʼel xeʼunimaj y nim xeril ri utat unan, che e ajmakibʼ (Lucas 2:51, 52).
3. ¿Jas rajawaxik kkibʼan ri familias rech kekʼojiʼ naqaj che ri Jehová?
We e kʼo awalkʼwal, qastzij riʼ che kawaj kkiloqʼoqʼej ri Jehová junam awukʼ. ¿Jas rajawaxik kabʼano? Chabʼanaʼ wajun pixabʼ riʼ che kʼo pa ri Biblia: «Amaqʼel chakʼutuʼ [ri utzij ri Jehová] chkiwach ri awalkʼwal; are taq at kʼo cho awachoch, are taq at kʼo pa ri bʼe» (Deuteronomio 6:7). Ukʼutik kraj kubʼij che amaqʼel knaʼtasax chke. Qastzij riʼ che awetaʼm che rajawaxik kʼi mul knaʼtasax ri e jastaq chke ri alkʼwalaxelabʼ rech ksach ta chke. Rumal laʼ ri kraj kubʼij wajun texto riʼ are che kaya atiempo rech kattzijon kukʼ ri awalkʼwal chrij ri Jehová. Xuqujeʼ utz che konojel ri familia kkiya jubʼiqʼ kitiempo ronojel taq semanas rech junam kkiqʼijilaj ri Jehová y kkinikʼoj ri Biblia. Y, paneʼ ko ta awalkʼwal unikʼoxik ri Biblia ronojel taq semanas sibʼalaj nim ktobʼan wi chawe.
CHANIMARISAJ RI AWETAʼMANIK
Chqilaʼ jujun taq pixabʼ che ktobʼanik rech kkiriq kikotemal ri familias y kkinaʼo che e chajitalik.
4. Rukʼ loqʼoqʼenik cheʼiqʼilaʼ ri iwalkʼwal
Kʼax uqʼilik jun akʼal. Are kʼu, ¿jas tobʼanik kuya ri Biblia chawe? Chisikʼij Santiago 1:19, 20 y chixtzijon chrij wariʼ:
¿Jas kkibʼan che ukʼutik loqʼoqʼenik ri tat nan are chiʼ ketzijon kukʼ ri kalkʼwal?
¿Jasche utz taj che jun tat kupixbʼej ri ralkʼwal are chiʼ petinaq royowal?a
5. Cheʼichajij ri iwalkʼwal
Rech kichajij ri iwalkʼwal nim ubʼanik che kixtzijon rukʼ chrij ri relaciones sexuales. Qastzij, che kʼax ubʼanik wariʼ, are kʼu keʼutoʼ chuwach ri kʼax. Chiwilaʼ ri VIDEO y chixtzijon chrij wariʼ:
¿Jasche jujun taq tat nan kekʼixik chiʼ ketzijon kukʼ ri kalkʼwal chrij ri relaciones sexuales?
¿Jas tobʼanik kiriqom jujun tat nan rech kechʼaw chrij wariʼ kukʼ ri kalkʼwal?
Junam rukʼ ri kubʼij ri Biblia, sibʼalaj kʼiyarinaq ri itzelal cho ri uwach Ulew rumal che pa uqʼabʼ ri Satanás kʼo wi. Chisikʼij 2 Timoteo 3:1, 13 y chixtzijon chrij wariʼ:
Ri versículo 13 xuqujeʼ kchʼaw chkij ri itzel taq winaq che kkibʼan abusar ri alaj taq akʼalabʼ. Rumal laʼ, ¿jasche nim ubʼanik che ri tat nan kechʼaw kukʼ ri kalkʼwal chrij ri relaciones sexuales? ¿Y jas rajawaxik kkibʼano rech kekichajij ri kalkʼwal chuwach ri abusos sexuales?
¿La awetaʼm?
Ri testigos rech Jehová kesam lo kʼi chakubʼal che kuya tobʼanik chke ri tat nan rech kechʼaw chrij ri relaciones sexuales y rech kekitoʼ ri kalkʼwal chuwach ri abusos sexuales. Wariʼ are jujun chke:
Cheʼichajij ri iwalkʼwal (video)
«¿Jas kabʼano rech kattzijon chrij ri relaciones sexuales kukʼ ri awalkʼwal?» (¡Despertad!, núm. 5 2016)
6. Nim chawilaʼ wi ri atat nan
Ri alaj taq akʼalabʼ y ri alabʼom alitomabʼ rajawaxik nim kekil wi ri kitat kinan, y wariʼ kilitaj rukʼ ri kkibʼan che kichʼabʼexik. Chiwilaʼ ri VIDEO y chixtzijon chrij wariʼ:
¿Jasche utz che jun ala kukoj utz taq tzij chiʼ ktzijon kukʼ ri utat unan?
¿Jas kubʼan ri ala rech nim keril wi ri utat unan?
Chisikʼij Proverbios 1:8 y chixtzijon chrij wariʼ:
¿Jas kubʼan ri ala che kinimaxik ri utat unan are chiʼ ktaq che ubʼanik jun jastaq?
7. Chiqʼijilaj ri Jehová pa ri familia
Ri testigos rech Jehová ronojel taq semanas kkitas jubʼiqʼ kitiempo rech kkiqʼijilaj ri Jehová kukʼ ri kifamilia. ¿Jas kbʼan pa ri qʼijilanik pa ri familia? Chiwilaʼ ri VIDEO y chixtzijon chrij wariʼ:
¿Jas xtoʼw jun familia rech amaqʼel kkibʼan ri qʼijilanik pa ri familia?
¿Jas kkibʼan ri tat nan rech ri qʼijilanik pa ri familia kʼax ta ubʼanik y rech konojel kekikotik? (Chawilaʼ ri nabʼe wachbʼal).
E kʼu ri at, ¿la kʼax kariq che ubʼanik ri qʼijilanik pa ri familia? ¿Jasche kʼax kabʼan che ubʼanik?
Ojer kanoq, ri Jehová xraj che ri familias israelitas amaqʼel knaʼtaj ri uTzij chke. Chisikʼij Deuteronomio 6:6, 7 y chixtzijon chrij wariʼ:
¿Jas kabʼan at che ukojik wajun pixabʼ riʼ?
Tobʼanik rech kibʼan ri qʼijilanik pa ri familia:
Chinikʼoj ri kil pa ri e riqbʼal ibʼ re ri congregación.
Chisikʼij y chixtzijon chrij jun relato re ri Biblia che utz kril ri familia.
We e kʼo awalkʼwal che e nitzʼ na, chabʼanaʼ descargar o imprimir jun etzʼanem pa jw.org che ktobʼan chke ri akʼalabʼ.
We kʼo awalkʼwal che e nimaʼq chik, chachaʼ jun chke ri kʼutunem kech ri alabʼom alitomabʼ che kʼo pa jw.org.
Chibʼanaʼ jun drama che kʼo pa ri Biblia.
Chiwilaʼ y chixtzijon chrij jun video che kʼo pa jw.org.
RI KKICHOMAJ JUJUN WINAQ: «Sibʼalaj kʼax kkibʼan ri akʼalabʼ che uchʼobʼik ri kubʼij ri Biblia».
¿Jas kachomaj at?
RI XQETAʼMAJ
Ri Jehová kraj che ri e tat nan kekiloqʼoqʼej ri kalkʼwal, kekipixbʼej y kekichajij; y che ri alkʼwalaxelabʼ nim kekil wi y kekinimaj ri kitat kinan, y che konojel ri familia kkiqʼijilaj.
¿La knaʼtaj chawe?
¿Jas kkibʼan ri tat nan che kiqʼilik y kichajixik ri kalkʼwal?
¿Jas kkibʼan ri alkʼwalaxelabʼ che ukʼutik che nim kekil wi ri kitat kinan?
¿Jas tewchibʼal kariqo we ronojel taq semanas kabʼan ri qʼijilanik pa ri familia?
CHAWILAʼ CHI NIKʼAJ
¿Jas rajawaxik kakʼut chkiwach ri awalkʼwal rech ktobʼan chke chiʼ kenimarik?
«E 6 kʼutunem che nim kibʼanik chke ri alkʼwalaxelabʼ» (¡Despertad!, núm. 2 2019)
Chawilaʼ jujun taq pixabʼ che kyaʼ chke ri winaq che kekichajij ri nim chi kijunabʼ.
«¿La kraj ri Dios che keqachajij ri qatat qanan are chiʼ e rijabʼ chik?» (Kʼutunem re jw.org)
Chawilaʼ ri xubʼan jun achi che kikʼiyisaxik ri kebʼ ralkʼwal.
Jehová xukʼut chqawach ri kqabʼan che kitijoxik ri e qalkʼwal (5:58)
Chawilaʼ ri kubʼan jun tat rech kkʼojiʼ utzilal chkixoʼl kukʼ ri ralkʼwal.
a Are chiʼ ri Biblia kchʼaw chrij qʼilonik (pixbʼenik), kraj kubʼij che rukʼ loqʼoqʼebʼal y utz taq tzij ktoʼ jun akʼal che uchʼobʼik che utz ta ri tajin kubʼano. Kraj ta kubʼij che kbʼan kʼax che o kchʼayik (Proverbios 4:1).