KʼUTUNEM 51
¿Jas kqabʼan che uyaʼik uqʼij ri Jehová rukʼ ri kqabʼij?
Are chiʼ ri Jehová xojubʼano, xuya jun jeʼlalaj sipanik chqe: che kojkunik kojchʼawik. Ri areʼ kraj che utz kqabʼan che ukojik wajun sipanik riʼ (chasikʼij Santiago 1:26). Rumal laʼ, ¿jas kqabʼan che ukojik wajun sipanik riʼ rech kqaya uqʼij ri Jehová?
1. ¿Jas kqabʼan che ukojik ri sipanik che uyaʼom ri Jehová chqe?
Ri Biblia kubʼij: «Chikuʼbʼisalaʼ ikʼuʼx, chiyalaʼ ichuqʼabʼ» (1 Tesalonicenses 5:11). ¿La awetaʼm uwach jun winaq che rajawaxik kaya uchuqʼabʼ? ¿La kʼo katkunik kabʼano rech kkikotik? Chakʼutuʼ chuwach che nim kawil wi. Weneʼ katkunik kabʼij che ri utz taq jastaq che kubʼano. ¿La kʼo jun texto che katkunik kakojo rech kaya uchuqʼabʼ jun winaq che kachʼobʼ uwach? Kʼi textos kʼolik rech kakojo. Xuqujeʼ, ksach ta chawe che ri atzij kʼo kubʼan pa ri kikʼaslemal ri nikʼaj chik y ri kabʼan che ubʼixik. Rumal laʼ chattzijon rukʼ jamaril y utzilal (Proverbios 15:1).
2. ¿Jas taq tzij che utz taj kqabʼij?
Ri Biblia kubʼij: «Mel uloq pa ichiʼ jun itzel tzij» (chasikʼij Efesios 4:29). Wariʼ kraj kubʼij che kqakoj ta itzel taq tzij che kubʼan kʼax chke ri nikʼaj chik. Xuqujeʼ kojchʼaw ta chkij ri nikʼaj chik (o kqabʼan ta ajal tzijol), keqayoqʼ taj y kqabʼij ta molom tzij chkij (chasikʼij Proverbios 16:28).
3. ¿Jas kojtoʼwik rech utz kqabʼan che ukojik ri qatzij?
Ri kqabʼij kukʼut ri kqanaʼo y ri kqachomaj (Lucas 6:45). Rumal laʼ rajawaxik che kqakoj qachuqʼabʼ rech kqabʼij utz taq tzij, kraj kubʼij, kojchʼaw chrij ri sukʼ taq jastaq, jastaq re loqʼoqʼebʼal y che utz ktzijoxik (Filipenses 4:8). Rech kojkunik kqabʼan wariʼ, rajawaxik utz kqabʼan che uchaʼik ri etzʼanem y ri qachiʼl (Proverbios 13:20). Xuqujeʼ utz che kqachomaj na ri kqabʼij. Chqachomaj ri kubʼan ri qatzij chke ri nikʼaj chik. Ri Biblia kubʼij: «E kʼo jachin taq kesokon kumal ri kitzij, kechʼaw kʼu ri kʼo kinoʼj kkiya kʼu utzil» (Proverbios 12:18).
CHANIMARISAJ RI AWETAʼMANIK
Chqilaʼ jas kqabʼan che ukojik ri qatzij rech kuya uqʼij ri Jehová y kqaya kichuqʼabʼ ri nikʼaj chik.
4. Chachomaj na ri kabʼij
Qonojel qabʼim jastaq che weneʼ xqaj taj xqabʼij (Santiago 3:2). Chisikʼij Gálatas 5:22, 23 y chixtzijon chrij wariʼ:
Rech katchoman na chrij ri kabʼij y ri kabʼan che ubʼixik, ¿jachin chke ri bʼantajik riʼ che kʼo pa ri texto kawaj kataʼ che ri Jehová? ¿Jas tobʼanik kuya wariʼ chawe?
Chisikʼij 1 Corintios 15:33 y chixtzijon chrij wariʼ:
¿La kʼo kubʼan che ri atzij ri etzʼanem y ri achilanik che kachaʼo? ¿Jas kubʼano?
¿Jas kubʼan chke ri nikʼaj chik ri katzijoj?
Chisikʼij Eclesiastés 3:1, 7 y chixtzijon chrij wariʼ:
¿Jampaʼ are utz che katchʼaw taj y kaweyeʼj jun chi tiempo rech katkunik kabʼij ri kachomaj?
5. Utz chattzijon chkij ri nikʼaj chik
¿Jas rajawaxik kqabʼano rech kqabʼij ta tzij che kubʼan kʼax chke ri nikʼaj chik? Chiwilaʼ ri VIDEO y chixtzijon chrij wariʼ:
¿Jasche ri qachalal che xqil pa ri video xraj xukʼex ri kutzijoj chkij nikʼaj chik?
¿Jas xubʼano?
Chisikʼij Eclesiastés 7:16 y chixtzijon chrij wariʼ:
¿Jas rajawaxik knaʼtaj chqe are chiʼ kqaj kqabʼij jun jastaq chrij jun chik?
Chisikʼij Eclesiastés 7:21, 22 y chixtzijon chrij wariʼ:
¿La katutoʼ wa taq versículos riʼ are chiʼ jun winaq katuyoqʼo o kubʼij tzij chawij? ¿Jasche?
6. Rukʼ utzilal chachʼabʼej ri afamilia
Jehová kraj che rukʼ utzilal y loqʼoqʼebʼal kqachʼabʼej ri qafamilia. Chiwilaʼ ri VIDEO y chixtzijon chrij wariʼ:
¿Jas kattoʼwik rech rukʼ utzilal katchʼaw rukʼ ri afamilia?
Chisikʼij Efesios 4:31, 32 y chixtzijon chrij wariʼ:
¿Jas kqabʼano rech ri kqatzijoj kuya utzilal pa ri qafamilia?
Jehová xubʼij ri kunaʼ che ri ukʼojol, Jesús. Chisikʼij Mateo 17:5 y chixtzijon chrij wariʼ:
¿Jas kabʼan che resaxik uwach ri Jehová are chiʼ kattzijon rukʼ ri afamilia?
Chakojoʼ achuqʼabʼ che ubʼixik utz taq tzij chke nikʼaj chik rumal ri utz taq jastaq kkibʼano.
RI KKICHOMAJ JUJUN WINAQ: «In kinbʼij ri kwaj. Y, we ri nikʼaj chik utz taj kkito, kʼo ta we che».
¿La kabʼij at che utz wajun chomanik riʼ? ¿Jasche?
RI XQETAʼMAJ
Ri kqabʼij kubʼan kʼax. Rumal laʼ, rajawaxik kqachomaj na ri kqabʼij, jampaʼ kqabʼij y jas kqabʼan che ubʼixik.
¿La knaʼtaj chawe?
¿Jas kabʼan che ukojik utz taq tzij rech keʼatoʼ ri nikʼaj chik?
¿Jas tzijonem kawaj taj kabʼano?
¿Jas kojtoʼwik rech amaqʼel rukʼ utzilal y utz taq tzij kojchʼawik?
CHAWILAʼ CHI NIKʼAJ
¿Jas kojtoʼwik rech utz kqabʼan che ukojik ri qatzij?
Chawilaʼ jas kattoʼwik rech kabʼij ta itzel taq tzij.
Chawilaʼ ri kabʼano rech katchʼaw ta chkij nikʼaj chik.
Chawilaʼ jas tobʼanik xuya Jehová che jun achi che kubʼij ta chi itzel taq tzij.
«Xinchoman chrij ri tajin kinbʼan pa ri nukʼaslemal» (La Atalaya, 1 re agosto 2013)