Cheqakʼamaʼ che kʼutbʼal ri e ajqʼaxal tzij: Miqueas
1. ¿Jas weneʼ xuchomaj ri Miqueas xuqujeʼ jas xupatanij ri uchak xubʼano?
1 Qastzij riʼ che qachomam che jampaʼ kkʼis ri itzelal cho ri uwach Ulew. Weneʼ ri ajqʼaxal tzij ubʼiʼ Miqueas xuqujeʼ xuchomaj wariʼ pa ronojel ri tiempo che xuya ubʼixik che Jehová kusachisaj na uwach ri Israel xuqujeʼ ri Judá. ¿La kʼo xupatanij ri uchak xubʼano? Kʼolik, rumal che pa ri junabʼ 740 nabʼe chuwach ri uqʼij ri Jesús, chiʼ areʼ kʼa majaʼ kkamik, ri Jehová xubʼan ri ubʼim che kukʼajisaj uwach ri Samaria (Miq. 1:6, 7). Pa ri junabʼ 607, xsachisax uwach Jerusalén (Miq. 3:12). E kʼu ri oj, ¿jas kqabʼan che ubʼanik qe junam rukʼ ri xubʼan Miqueas chiʼ kqeyej che Jehová kubʼan ri ubʼim kanoq?
2. ¿Jasche rajawaxik rukʼ paciencia kqeyej ri uqʼij ri Jehová, xuqujeʼ jas kraj kubʼij wariʼ?
2 Chkʼol qapaciencia. Miqueas xubʼij: «Are kʼu ri in kineyem na che ri Ajawaxel; kinkoj na ri weyebʼal kʼuxaj chrij ri Dios ri nuKolonel» (Miq. 7:7). Xaq ta xuqʼaluj uqʼabʼ chiʼ xeyenik. Are qas xok il che ubʼanik ri uchak re ajqʼaxal tzij. Junam rukʼ, chiʼ kqeyej ri uqʼij ri Jehová, chqakojoʼ qachuqʼabʼ rech kqabʼan utz jastaq pa ri kʼaslemal xuqujeʼ chojniman che ri Dios (2 Ped. 3:11, 12). Chnaʼtaj chqe che rumal ri upaciencia ri Jehová ri e winaq kekunik kkikʼex ri kikʼaslemal (2 Ped. 3:9). Rumal laʼ, chkʼol qapaciencia junam kukʼ ri ajqʼaxal taq tzij, junam rukʼ ri kubʼij ri Utzij ri Dios (Sant. 5:10).
3. ¿Jasche rajawaxik kqaya ta kan utaʼik ri uxlabʼixel che ri Jehová?
3 Chqakubʼsaj qakʼuʼx che Jehová kuya qachuqʼabʼ. Ri chak che xyaʼ che ri Miqueas kʼax ubʼanik, rumal laʼ xutaʼ che ri Jehová che kuya uchuqʼabʼ (Miq. 3:8). Jehová retaʼm che xuqujeʼ rajawaxik ri utobʼanik chqe, ri Utzij kubʼij che kqataʼ pa qachʼawem che kojutoʼ. We kojkosik, ri areʼ kuya nim qachuqʼabʼ rech kojkunik kqabʼan ri qachak pa ri utinamit (Sal. 84:5, 7; Is. 40:28-31). Kʼi chqe oj kunaq che rilik pa ri junabʼ che tajin kqapatanij ri Jehová uyaʼom qachuqʼabʼ. Rumal laʼ, kqaya ta kan utaʼik ri uxlabʼixel che (Luc. 11:13).
4. ¿Jas utz jastaq kqetaʼmaj chirij ri ukʼaslemal ri Miqueas?
4 Chuwach ri Miqueas, ubʼanik ri urayibʼal ri Jehová are ri nim ubʼanik. Xubʼan sukʼ pa neʼ ri e winaq pa taq ri uqʼij tzʼil ri kikʼaslemal. Xuqujeʼ ri qasukʼilal ronojel qʼij kqʼax pa kʼax. Rumal laʼ, qas chqakojoʼ qachuqʼabʼ rech «amaqʼel are kaqanimaj na ri Ajawaxel ri qaDios» (Miq. 4:5).