Chqakojoʼ qachuqʼabʼ rech ri winaq che amaqʼel kukʼam ri revistas kqamaj utijoxik chrij ri Biblia
1. ¿Jasche ri utinamit ri Jehová kubʼij chqe che kqatzukuj winaq che kkaj kqakʼam bʼi ri revistas chke ronojel ikʼ?
1 Kʼi chi junabʼ, ri utinamit ri Jehová tajin kubʼij chqe che keqatzukuj winaq che ronojel ikʼ kqakʼam bʼi ri revistas chke, ri winaq che utz kkil ri e qawuj are kʼu kkaj taj ketijox chrij ri Utzij ri Dios. ¿Jasche kqakʼam bʼi ri revistas chke? Rumal che chiʼ kkisikʼij uwach kubʼan chke che nojimal kkaj kketaʼmaj chrij ri Utzij ri Dios (1 Ped. 2:2). Kʼi mul chiʼ ri winaq kkisikʼij uwach jun wuj kopan pa kanimaʼ ri kʼo chupam rukʼ waʼ kkaj kketaʼmaj chrij ri kubʼij ri Biblia.
2. ¿Jas kojkunik kqabʼano rech ri winaq che kkikʼam kan ri revista kkaj kketaʼmaj más?
2 Chqajaʼj ri ijaʼ rech ri qastzij. Xaq xiw ta kqaya kan ri revistas, utz che kojtzijon kukʼ ri winaq rech nojim nojim kkaj ketzijon qukʼ. We kqabʼan waʼ kojkunik kqetaʼmaj ri ubʼanik ri kikʼaslemal, ri kkaj xuqujeʼ ri kikojonik, wariʼ kojutoʼ rech kqetaʼmaj chrij ri rajawaxik kqabʼij chke xuqujeʼ ri kqabʼan che kitoʼik (Prov. 16:23). Qastzij wi, rech kojkunik kqabʼan wariʼ rajawaxik qas kqatijoj qibʼ. Kqatzukuj jun kʼutunem rech ri revista xuqujeʼ jun texto che kchʼaw chrij ri kʼutunem. We je kqabʼan waʼ kojkun riʼ kqajaʼj ri ijaʼ rech ri qastzij che kʼo chi pa ranimaʼ (1 Cor. 3:6). Ksach ta chqe kqatzʼibʼaj ri qʼij che xqasolij ri winaq, ri wuj xqaya kan che, ri xqatzijoj che xuqujeʼ ri texto che xqasikʼij uwach rukʼ.
3. ¿Chjampaʼ taq qʼij utz kojtzalij kukʼ ri winaq che kkikʼam kan ri revistas?
3 Chjampaʼ taq qʼij kojtzalijik. Rech kqakʼam bʼi ri revista chke ri winaq rajawaxik kojtzalij kukʼ jumul pa jun ikʼ. Are kʼu kojkunik keqasolij pa jun chi qʼij, we ri winaq kukʼutu che kraj, xuqujeʼ we kʼo tiempo. Chiʼ qʼaxinaq chi jun o kebʼ semana che qayaʼom kan ri revista, kojkunik kqabʼij: «Xaq xiw kwaj kinkʼut jun jastaq chawach che kʼo pa ri revista che xinya kan chawe che in xinwilo che sibʼalaj utz». Wariʼ weneʼ kubʼano che ri winaq kraj kretaʼamaj chrij jun kʼutunem. We kʼo jun winaq kubʼij chqe che usikʼim chik, kojkunik kqataʼ che ri kuchomaj chrij xuqujeʼ kojtzijon jubʼiqʼ chrij ri kʼutunem. Chke ri winaq che utz kkil ri qawuj, utz kqaya kan ri wuj che tajin kkoj pa ri ikʼ.
4. ¿Jas kqabʼano rech kqamajij ukʼutik ri Utzij ri Dios chke ri winaq che kkikʼam kan ri revistas?
4 Kqeyej ta na che ri winaq kkibʼij chqe che kkaj kketaʼmaj chrij ri Utzij ri Dios. Oj, rajawaxik kqabʼij chke. Pa neʼ kibʼim chqe che kkaj taj, pa jujun taq mul utz kojtzijon chrij ri kubʼij pa ri jupuq kʼutunem rech La Atalaya, «Preguntas sobre la Biblia» xuqujeʼ kqil rukʼ ri winaq. Weneʼ rukʼ wariʼ kojkunik kqamajij ukʼutik ri Utzij ri Dios chkiwach. We kʼu kkaj taj, kqaya ta kan ukʼamik bʼi ri revistas chke xuqujeʼ keqatoʼ rech kketaʼmaj más.