Ri Unaʼtabʼalil ri ukamikal ri Jesús: are jun qʼij rech kqakʼut maltyoxinik

1. ¿Jas kojkunik kqabʼan pa ri qʼij rech ri Unaʼtabʼalil ri ukamikal ri Jesús?

¹ Rumal che knaʼtasax ri ukamikal ri Jesús pa ri qʼij 14 rech abril rukʼ waʼ kuya kqamaltyoxij ri sipanik che Jehová xuya chqe. Ri kubʼij pa Lucas 17:11-18 kukʼut ri kuchomaj ri Jehová xuqujeʼ ri Jesús chrij wajun bʼantajik riʼ. ¡Sibʼalaj bʼisobʼal che xa jun chke ri lajuj leprosos che xekunaxik xuya maltyoxinik! Pa ri petinaq, konojel winaq kkiriq kʼaslemal cho kʼo ta ukʼisik rumal ri ukamikal ri Jesús xuqujeʼ kresaj ri kʼaxkʼolil. Rumal laʼ, kʼo ta jun qʼij che mat kqamaltyoxij che ri Jehová rumal ri utewchibʼal. Are kʼu, ¿jas kqabʼan che ukʼutik ri qamaltyoxinik pa ri e semanas che petinaq?

2. ¿Jas kqabʼano rech kqamaltyoxij ri ukamikal ri Jesús?

² Chojmaltyoxinoq. Pa ri qachomanik kpe wi ri qamaltyoxinik. Rech kojtoʼik rech nim kqil wi ri ukamikal ri Jesús, kʼo jun programa rech usikʼixik uwach ri Biblia che kqariq pa kʼi lugar rech knaʼtax ri ukamikal ri Jesús, kriqitaj pa ri calendario xuqujeʼ pa ri folleto Examinando las Escrituras diariamente. ¡Utz we kisikʼij uwach rukʼ ri ifamilia! We kqabʼano knimar ri qamaltyoxinik chrij ri ukamikal ri Jesús xuqujeʼ kubʼan utz che qabʼantajik (2 Cor. 5:14, 15; 1 Juan 4:11).

3. ¿Jas kojkunik kqabʼano rech kqakʼut ri qamaltyoxinik pa ri semanas rech ri Unaʼtabʼalil ri ukamikal ri Jesús?

³ Chqakʼutuʼ che kqaj kojmaltyoxinik. Ri maltyoxinik kkʼut rukʼ chak (Col. 3:15). Ri leproso che kmaltyoxinik xutzukuj ri Jesús rech xumaltyoxij. Xuqujeʼ qastzij che xubʼij riʼ rukʼ kikotemal chke konojel ri winaq che xkunatajik (Luc. 6:45). ¿La kubʼan ri qamaltyoxinik che kojchakun más pa ri uchak ri Dios pa taq ri qʼij rech ri Unaʼtabʼalil ri ukamikal ri Jesús? Jun jastaq che kojkunik kqabʼano rech kqakʼut ri qamaltyoxinik are che kqabʼan ri precursorado auxiliar o kqabʼan más pa ri qachak che ri Dios pa ri semanas rech Unaʼtabʼalil ri ukamikal ri Jesús. Pa ri chaqʼabʼ che knaʼtasax ri ukamikal ri Jesús, rumal che kojmaltyoxinik kqaya utz kipetik ri winaq che kepe pa ri riqbʼal ibʼ xuqujeʼ kqabʼij chke che keqatoʼ we kʼo jas kkaj kketaʼmaj.

4. ¿Jas kojkunik kqabʼan pa wajun junabʼ riʼ rech kojbʼison taj chiʼ kqʼax ri Unaʼtabʼalil ri ukamikal ri Jesús?

⁴ ¿La are waʼ ri kʼisbʼal riqbʼal ibʼ rech unaʼtasaxik ri ukamikal ri Jesús? (1 Cor. 11:26.) Qetaʼm taj. Ri qas qetaʼm are che we kqʼax ri qʼij riʼ, xqʼax jun utzalaj qʼij rech kqakʼut ri qamaltyoxinik. ¡Utz che kojmaltyoxinik! Kqaj che ri qatzij xuqujeʼ ri qarayibʼal kqaj chuwach ri Jehová, ri xyaʼow ri tojbʼal mak (Sal. 19:14).