Agosto are jun ikʼ rech jun chak che bʼanom ta nabʼe

1. ¿Jas chak kbʼan na pa ronojel ri uwach Ulew rumal che xa jubʼiqʼ chik kraj ktzʼaqat cien junabʼ ri Ajawbʼal?

¹ Rumal che xa jubʼiqʼ chik kraj che ktzʼaqat cien junabʼ che ri Rajawbʼal ri Dios tajin kuqʼat tzij pa ri kaj, ¡sibʼalaj utz che kqajach ri wuj rech kqaya uqʼij ri Jehová! Pa ri ikʼ agosto kqajach pa ronojel uwach Ulew jun kʼakʼ wuj ubʼiʼ ¿Jachiʼ kqetaʼmaj wi chrij ri preguntas che kbʼan chrij ri kʼaslemal? Wajun alaj wuj riʼ kubʼij chke ri kesikʼin uwach che kkitzukuj pa ri Biblia ri kyaʼ ubʼixik chrij ri preguntas xuqujeʼ kubʼij ri kubʼan ri página rech Internet jw.org che kitoʼik rech kkiriq ri kyaʼ ubʼixik ri chrij pregunta.

2. ¿Jas rajawaxik kqabʼano rech kojkunik kqanimarisaj uqʼij ri Jehová pa agosto?

² Uyaʼik uqʼij ri Jehová. Rech ketoʼ ri publicadores che kibʼanom chi kiqasanjaʼ rech kkinimarisaj ri kichak, ri kkaj, kekunik kkibʼan ri precursorado auxiliar rech 30 horas pa agosto. Rumal che kʼo jobʼ viernes, jobʼ sábados xuqujeʼ jobʼ domingos, e kʼi chke ri publicadores che kechakunik o kebʼe pa tijobʼal pa ri semana, kekunik kkibʼan ri precursorado auxiliar pa wajun ikʼ riʼ. We jun chke ri ajtijoxel o jun chke ri iwalkʼwal che kraj kux publicador che majaʼ kubʼan uqasanjaʼ, chixtzijon rukʼ ri ajjachol kichak ri nikʼaj chik ajkʼamal bʼe rech ri congregación. ¡Sibʼalaj kuya kikotemal chke e areʼ che keʼux publicadores pa wajun ikʼ riʼ che nim ubʼanik! Kʼi chke ri precursores regulares keʼuxlan pa ri ikʼ agosto rumal che we ktzʼaqat ri horas rech jun junabʼ, are kʼu utz che kkil ri kitiempo rech qas kechakun pa wajun ikʼ rech chak che nim ubʼanik. Ri familias utz che kkimaj rilik ri kkibʼano rech kekunik kkiya uqʼij ri Jehová pa ri ikʼ agosto (Esd. 3:11; Prov. 15:22).

3. ¿Jas kqaj kqabʼan pa ri ikʼ chiʼ kjach ri alaj wuj?

³ Pa neʼ oj tobʼanaq pa jun chak junam rukʼ waʼ nabʼe kanoq, kqaj che pa wajun ikʼ riʼ kbʼan jun chak che ilom ta nabʼe. ¡Sibʼalaj kqaj che pa ri ikʼ agosto kqabʼan kʼi horas, kekʼiyar ri publicadores xuqujeʼ kekʼiyar ri precursores auxiliares! Rumal che kkʼis ri junabʼ re ri qachak 2014, ¡are bʼaʼ ri Jehová kutewchij ri kqabʼan pa ronojel ri uwach Ulew rech pa ri ikʼ agosto kbʼan jun chak che nim ubʼanik! (Mat. 24:14.)