Kʼutbʼal rech ukojik ri e wuj

Umajixik jun etaʼmanik pa ri nabʼe sábado re diciembre

«Kʼi nan tat kkaj che ri kalkʼwal kketaʼmaj chrij ri Dios xuqujeʼ kekunik kkiloqʼoqʼej. ¿Jas kachomaj at? ¿La kekun ri nan tat kkikʼut uloqʼoqʼexik ri Dios chkiwach ri kalkʼwal, o kitukel ri alkʼwalabʼ kketaʼmaj uloqʼoqʼexik ri Dios?» Chata ri kubʼij ri winaq. Chakʼutuʼ ri kʼisbʼal uxaq La Atalaya 1 re diciembre, xuqujeʼ chasikʼij rukʼ ri winaq ri kubʼij chuxeʼ ri nabʼe pregunta pa neʼ xa jun texto chasikʼij uwach. Chataʼ che ri winaq we kraj kusikʼij uwach ri revistas xuqujeʼ chabʼij che, che kattzalij pa jun chi qʼij rech kiwil ri jun chi pregunta.

La Atalaya 1 rech diciembre

«Tajin kqasolij ri winaq rech kojtzijon kukʼ chrij ri Dios. Ri winaq jalajoj ri kichomanik chrij ri Dios, are kʼu ¿jas kachomaj at? ¿La konojel ri winaq kkichomaj che ri Dios are jun uxlabʼal che kok ta il chqe, o jun achiʼl che sibʼalaj kojraj? [Chata ri kubʼij ri winaq.] Ri Biblia kukʼut chqawach che ri Dios kraj kkʼojiʼ jun utz qachilanik rukʼ. [Chasikʼij uwach Santiago 4:8a.] Wajun revista riʼ kchʼaw chrij oxibʼ jastaq che kojkunik kqabʼano rech qas kqachilaj ri Dios.»

¡Despertad! Diciembre

«Tajin kojtzijon kukʼ ri winaq chrij jun kʼax che e kʼi winaq kechoman chrij. Jupuq winaq che kechakun pa ri Organización Mundial de la Salud kkibʼij, ri yabʼil re ri chomanik, jun chke are ri depresión, kubʼan kʼax che jun chke kajibʼ winaq jujun mul pa ri ukʼaslemal. ¿Jas kachomaj at? ¿La xa tajin knimar wajun yabʼil riʼ? [Chata ri kubʼij ri winaq.] Ri Biblia kuya ubʼixik che pa ri petinaq kʼo ta chi yabʼil xuqujeʼ qʼoxowem. [Chasikʼij uwach Apocalipsis 21:3, 4.] Wajun revista riʼ kubʼij jujun jastaq che qonojel rajawaxik kqetaʼmaj che kchʼaw chrij ri yabʼil re ri chomanik.»