Chqayaʼ ri «utzalaj taq jastaq» chke nikʼaj chik chiʼ keqakʼulaj pa qachoch (Mat. 12:35a).

Qastzij wi che kqaj kqaya ri «utzalaj taq jastaq» chke nikʼaj chik rech kojkunik kqabʼan ri kbʼix chqe: «Chebʼikʼulaj rukʼ utzil ri kebʼopan che isolixik» (Rom. 12:13). Ri ajkʼamal taq bʼe kkilo che kqakʼulaj pa qachoch ri kepe che uyaʼik ri chʼabʼal pa ri congregación xuqujeʼ ketoʼ rukʼ ri pwaq che kkisach ri qachalal. Are kʼu, weneʼ jujun chke ri qachalal kpe ta pa kanimaʼ che kkiya uwa ri kyaʼow ri chʼabʼal rumal che kkichomaj che kʼo ta jastaq ke o rumal che kkichomaj chiʼ kkiya uwa jun qachalal kubʼan chke che más kebʼisonik. We je kqachomaj waʼ, utz che kojchoman chrij ri pixabʼ che xuya ri Jesús che ri Marta (Luc. 10:39-42). Ri Jesús qas xukʼut kanoq are ta nim ubʼanik ri ktijowik o jastaq che paqal rajil, ri nim ubʼanik are che kojrachilaj ri qachalal. We kqabʼan ri pixabʼ riʼ kubʼano che qas kqaya «utzalaj taq jastaq» chke nikʼaj chik, je jas ri kubʼij ri Utzij ri Dios (3 Juan 5-8).