Chqabʼanaʼ sibʼalaj utz che ri qachak: utz chqabʼanaʼ che utzijoxik ri utzij ri Dios chiʼ kqakoj jun intercomunicador

¿Jasche rajawaxik? Weneʼ ubʼixik ri utzalaj taq tzij pa jun intercomunicador kubʼano che kqaxibʼij qibʼ. ¿Jas kqabʼano rech ri ukojik jun intercomunicador kojuqʼatej ta che ubʼixik ri utzalaj taq tzij? Masach chqe che xaq xiw kojkunik kqaya ubʼixik ri utzalaj taq tzij chke jujun winaq pa jun intercomunicador (Rom. 10:14). Qastzij wi, ilom che kʼo winaq che kitatabʼem ri utzalaj taq tzij pa jun intercomunicador (chawilaʼ ri wuj Anuario 2011, págs. 65, 66 xuqujeʼ ri wuj Anuario 2000, pág. 54, párr. 3). Chatchoman chrij ri e pixabʼ riʼ.

Ri kqabʼano:

Chachomaj ri kabʼij rukʼ kebʼ oxibʼ tzij, xuqujeʼ chatzʼibʼaj rech katkunik kasikʼij uwach pa jun intercomunicador. Wariʼ kubʼano che kaxibʼij ta awibʼ chiʼ katchʼawik. Nabʼe, chabʼij ri ataqkil che ri winaq. We tzʼibʼatal ri ubʼiʼ ri winaq rukʼ ri intercomunicador chabʼij. Chiʼ majaʼ katbʼek, chabʼij che ri winaq che kawaj kaya kan jun alaj wuj o jun revista che kuya ubʼixik más chrij ri kʼutunem o kaya kan chuchiʼ ri ja.
Xaq xiw chatchoman chrij ri jastaq che utz. Chattzeʼnoq xuqujeʼ chattzijon junam rukʼ ri kabʼano chiʼ kʼo ri winaq awukʼ.
Maxibʼij awibʼ xuqujeʼ chabʼanaʼ che je taneʼ che tajin kattzijon rukʼ ri winaq. Qas qʼalaj ri kabʼij ko chatchʼawoq rech qas ktatajik. We rajawaxik taj kaya ta uxoʼl ri kabʼij xuqujeʼ utz taj che aninaq katchʼawik.
Chakojoʼ ri anojibʼal. Pa nimaʼq taq ja che kʼo kʼi alaj taq ja chupam, at weneʼ rajawaxik xaq xiw katchʼaw pa kebʼ oxibʼ ja. Katzʼibʼaj ri xabʼano tekʼuriʼ katbʼek. Weneʼ ri winaq che e kʼo pa ri e ja riʼ kubʼan kebʼ kikʼuʼx o kkixibʼij kibʼ chqe we kojkanaj más tiempo chilaʼ.

Chabʼanaʼ waʼ pa jun ikʼ:

Chitijoj iwibʼ pa ri qʼijilanik rech ri familia, chiʼ kibʼano chibʼanaʼ che kiwil ta iwibʼ.