Cheqakʼamaʼ che kʼutbʼal ri e ajqʼaxal tzij: Habacuc
1. ¿Jasche kqachʼobʼ ri xunaʼ ri ajqʼaxal tzij Habacuc?
1 Chiʼ kqil ri uwach Ulew che nojinaq che kʼaxkʼolil, weneʼ kqanaʼ ri xunaʼ ri Habacuc, che xutaʼ che ri Jehová ri rumal che uyaʼom che kʼo itzelal (Hab. 1:3; 2 Tim. 3:1, 13). Chiʼ kojchoman chrij ri xubʼij ri Habacuc xuqujeʼ ri usukʼilal kojutoʼ rech kqachʼij ri kʼax are chiʼ kqeyeʼj che kopan ri qʼij re ri uqʼatoj tzij ri Jehová (2 Ped. 3:7).
2. ¿Jas kqabʼano rech oj sukʼ junam rukʼ ri Habacuc?
2 Chqabʼanaʼ ri sukʼilal. Are ta xbʼison rumal ri xuriqo, ri Habacuc are xok il xuqujeʼ qas xril ri xajwataj che ri ukojonik (Hab. 2:1). Ri Jehová xubʼij che ri ajqʼaxal tzij che kubʼan na ri ubʼim are taq chiʼ kopan ri qʼij xuqujeʼ che ri e sukʼ ksach ta kiwach (Hab. 2:2-4). Rumal wariʼ, ¿jas rajawaxik kqabʼan ri oj cristianos che oj kʼo pa taq ri kʼisbʼal taq qʼij? Ri más utz are che kqakojo che qastzij kpe ri kʼisbʼal are ta jampaʼ kpetik. Ri qakojonik kubʼan chqe che qas kqakoj qachuqʼabʼ che utzijoxik ri utzij ri Dios xuqujeʼ qas kojok il che ri qachilanik rukʼ ri Dios (Heb. 10:38, 39).
3. ¿Jasche rajawaxik rukʼ kikotemal kqapatanej ri Jehová?
3 Chojkikot che upatanexik ri Jehová. Ri qakojonik kkʼojiʼ riʼ pa kʼax are chiʼ ri Gog re Magog kubʼan kʼax che ri utinamit ri Jehová (Ezeq. 38:2, 10-12). Chiʼ kʼo jun chʼoj, sibʼalaj kriqitaj kʼax, xuqujeʼ ri kechʼakanik kkiriq kʼax. Kelaqʼax ri jastaq ke ri winaq, kʼot ktijowik, kpaqiʼ ri rajil ri jastaq. ¿Jas kqabʼan chuwach ri e kʼax riʼ? Ri Habacuc retaʼm che kpe kʼaxkʼolil, rumal laʼ xukoj uchuqʼabʼ che upatanexik ri Jehová rukʼ kikotemal (Hab. 3:16-19). «Ri ukikotemal ri Ajawaxel» xuqujeʼ kojutoʼ che uchʼijik ri kʼax (Neh. 8:10; Heb. 12:2).
4. ¿Jas kuya kikotemal chqe kimik xuqujeʼ pa ri petinaq?
4 Ri Jehová kuya ta kan kitijoxik ri keʼuchajij pa ri qʼij re ri uqʼatoj tzij (Hab. 2:14). Ri kekʼastaj lo pa ri kamikal xuqujeʼ kketaʼmaj chrij ri Jehová. Rumal laʼ chqakojoʼ qachuqʼabʼ kimik che ukʼutik chkiwach ri winaq chrij ri Dios xuqujeʼ chrij ri utz taq jastaq che kubʼano (Sal. 34:1; 71:17).