UK'OLB'AL WUJ PA INTERNET Watchtower

UK'OLB'AL WUJ PA INTERNET

mwb16 abril uxaq 3
Chattzijon kukʼ ri nikʼaj chik rukʼ utzalaj taq tzij

Qachak xuqujeʼ qakʼaslemal ri oj cristianos—Wuj re chak (2016)

mwb16 abril uxaq 3

QʼINOMAL RE RI UTZIJ RI DIOS | JOB 16-20

Chattzijon kukʼ ri nikʼaj chik rukʼ utzalaj taq tzij

Are chiʼ kqaya pixabʼ are rajawaxik che kqaya kichuqʼabʼ ri winaq

16:4, 5

Job kʼo pa jun nimalaj bʼis. Kajwataj tobʼanik xuqujeʼ utzalaj taq tzij che.
Kʼo ta nijun chke ri e oxibʼ rachiʼl xkibʼij utzalaj taq tzij che ri Job. Xa neʼ xkibʼij kʼaxalaj taq tzij che xnimar ri ukʼaxkʼolil.

Ri kʼaxalaj taq tzij che xukoj ri Bildad are xubʼan kʼax che ri Job

19:2, 25

Job xutaʼ toqʼobʼ che ri Dios rech kutoʼ, pa neʼ ri ktowik are ri kamikal.
Job are xchoman chrij ri eyebʼal kʼuxaj re ri kʼastajibʼal xuqujeʼ xuchʼij ri kʼaxkʼolil rukʼ sukʼilal.

Elifaz kchʼaw rukʼ ri Job are kʼu ri Bildad xuqujeʼ Zofar tajin kkilo

¿E JACHIN XKIMOL MAK CHRIJ RI JOB?

Elifaz

Weneʼ aj Temán, che kʼo pa Edom. Pa Jeremías 49:7 kyaʼ ubʼixik chrij ri Temán che chilaʼ e kʼo wi ri ajnoʼjabʼ.
Weneʼ are ri nim ubʼanik xuqujeʼ ri más nim chi ujunabʼ che xuya ri pixabʼ che ri Job. Ri Elifaz are ri nabʼe xtzijonik. Xuya oxibʼ chʼabʼal che are más nimaʼq chkiwach ri e nikʼaj chik.

¿Jas mak xumol chrij ri Job?

Xuya pa chomaxik ri usukʼilal ri Job xuqujeʼ xubʼij che ri Dios kkubʼe ta ukʼuʼx chkij ri e rajpatanelabʼ (Job 4, 5).
Xubʼij che ri Job are jun itzelalaj achi xuqujeʼ kʼo ta ukʼixbʼal, xuqujeʼ xuya ubʼixik che nim ta kril ri Dios (Job 15).
Xubʼij che ri Job kʼo itzel urayinik xuqujeʼ man sukʼ taj, xuqujeʼ xubʼij che kʼo ta jun winaq kʼo upatan chuwach ri Dios (Job 22).

Bildad

Rijaʼlil ri Súah. Weneʼ xkʼojiʼ chuchiʼ ri nimaʼ Éufrates.
Are ri ukabʼ che xtzijonik. Ri e uchʼabʼal pa neʼ e nimaʼq taj are kʼu xubʼan más kʼax chuwach re ri Elifaz.

¿Jas mak xumol chrij ri Job?

Xuya ubʼixik che ri e ralkʼwal ri Job xemakunik xuqujeʼ taqal chke ri xkikʼulmaj, xuqujeʼ rukʼ ri xubʼij kchʼobʼotajik che ri Job kuxeʼj ta ribʼ chuwach ri Dios (Job 8).
Xubʼij che ri Job are jun itzel winaq (Job 18).
Xubʼij che ubʼanik sukʼ chuwach ri Dios kʼo ta upatan (Job 25).

Zofar

Are jun naamatita, weneʼ rech ri uqajibʼal qʼij rech Arabia.
Are ri urox winaq che xchʼaw rukʼ ri Job xuqujeʼ xukoj más kʼaxalaj taq tzij chkiwach ri e kebʼ. Xa kebʼ chʼabʼal xuyaʼo.

¿Jas mak xumol chrij ri Job?

Xubʼij che ri Job che kuchomaj ta ri kubʼano xuqujeʼ xubʼij che, che chuyaʼ kan ubʼanik ri makaj (Job 11).
Xubʼij che ri Job are jun itzel winaq xuqujeʼ che sibʼalaj utz kril ri makaj (Job 20).