QʼINOMAL RE RI UTZIJ RI DIOS | PROVERBIOS 1-6

«Rukʼ ronojel awanimaʼ chakubʼaʼ akʼuʼx chrij ri Ajawaxel»

Jun achi che xkʼasiʼ ojer kanoq tajin kubʼan uchʼawem

Taqal che ri Jehová che kqakubʼsaj qakʼuʼx chrij. Ri kraj kubʼij ri ubʼiʼ kuya uchuqʼabʼ ri qakubʼsal kʼuʼx che areʼ kkunik kubʼan ri utzujum. Ri chʼawem sibʼalaj kubʼan ko che ri ukubʼsal qakʼuʼx. Ri capítulo 3 rech Proverbios kubʼij chqe, we kqakubʼsaj qakʼuʼx chrij ri Jehová, areʼ kubʼan sukʼ che ri qabʼe.

¿Jas kubʼan ri winaq che kuchomaj che sibʼalaj kʼo unojibʼal?

3:5-7

Kubʼan jastaq tekʼuriʼ kutzukuj ta ri utobʼanik ri Jehová.
Kukubʼsaj ukʼuʼx chrij ri uchomanik xuqujeʼ ri kkichomaj ri nikʼaj chik winaq.

¿Jas kubʼan ri winaq che kukubʼsaj ukʼuʼx chrij ri Jehová?

Rech kʼo jun utz rachilanik rukʼ ri Dios, kretaʼmaj chrij ri Biblia, kchoman chrij xuqujeʼ kubʼan uchʼawem.
Chiʼ majaʼ kuchaʼ ubʼanik jun jastaq, kchoman chrij ri kuchomaj ri Jehová are chiʼ kril ri pixabʼ che kʼo pa ri Biblia che kchʼaw chrij ri kraj kubʼano.

**¿JAS KINBʼAN CHE UCHAʼIK RI KWAJ KINBʼANO?**
NABʼE kinbʼan ri kinchomaj che utz.	NABʼE kintaʼ che ri Jehová che kinutoʼ are chiʼ kinbʼan nuchʼawem xuqujeʼ kwetaʼmaj chrij ri Biblia are chiʼ in kʼo nutukel.
TEKʼURIʼ kintaʼ che ri Jehová che kutewchij ri xinchaʼ ubʼanik.	TEKʼURIʼ kinchaʼ ubʼanik ri kjunamataj rukʼ ri pixabʼ.