Chqakojoʼ ri qakʼaslemal rech kqaqʼijilaj ri Jehová

Ri kʼaslemal are jun sipanik che sibʼalaj nim ubʼanik. Ri kqabʼan pa ri qakʼaslemal kukʼutu che jas kqil ri kʼaslemal. Ronojel testigo rech Jehová kukoj uchuqʼabʼ che ukojik ri e ubʼantajik xuqujeʼ ri e ukunem rech uqʼijilaxik ri Jehová, ri kuya ri qakʼaslemal (Sl 36:9; Ap 4:11). Are kʼu, ri e kʼax che kqariq qʼij chi qʼij weneʼ kubʼano che ri kqaj kqabʼan pa ri qakojonik qas ta chi nim kqilo (Mr 4:18, 19). Rumal laʼ, qonojel rajawaxik kqataʼ chibʼil qibʼ: «¿La tajin kinya ri utz taq jastaq che ri Jehová? (Os 14:2). ¿Jas ubʼanom ri nuchak o ri nutijonik pa ri tijobʼal che ri wachilanik rukʼ ri Jehová? ¿Jas kinchomaj kinbʼan pa ri nukojonik? ¿Jas kinkun che ubʼanik rech kinnimarisaj ri nuchak che utzijoxik ri utzij ri Dios?». We kakojo che katkunik kabʼan más, chataʼ tobʼanik che ri Jehová xuqujeʼ chabʼanaʼ ri rajawaxik kabʼano. Qastzij: ri uqʼijilaxik ri Jehová ronojel qʼij wariʼ kubʼan chqe che kqariq utzilal xuqujeʼ kikotemal pa ri qakʼaslemal (Sl 61:8).

CHAWILAʼ RI VIDEO CHAKOJOʼ RI JASTAQ CHE KATKUN CHE UBʼANIK CHE UPATANIXIK RI JEHOVÁ XUQUJEʼ CHATZALIJ UWACH RI NIKʼAJ PREGUNTAS:

• ¿Jasche utz taj che kqakoj ri kojkun che ubʼanik pa wajun uwach Ulew riʼ che kʼo pa uqʼabʼ ri Satanás? (1Jn 2:17).

• ¿Jas tewchibʼal kʼo pa kiwiʼ ri jachin taq ri kkiya ri utz taq jastaq re ri kikʼaslemal che ri Jehová?

• ¿Pa jachike ri uchak ri Jehová kawaj kakoj ri katkun che ubʼanik?