¿La kojkunik kqil ri e ubʼantajik ri Dios che kilitaj taj?

Are chiʼ kqil jun jeʼlikalaj kotzʼiʼj, ri kaj nojinaq che chʼumil o jun jeʼlikalaj catarata, ¿la kojchoman chrij ri Bʼanol qe? Ri jastaq e bʼanom kubʼano che qas kqil ri e ubʼantajik ri Jehová (Ro 1:20). We kqakoj tiempo che uchomaxik ri kqilo, kojkun riʼ kqil ri ukunem, uloqʼoqʼebʼal, unojibʼal, usukʼilal xuqujeʼ che sipanel (Sl 104:24).

¿Jas jastaq ubʼanom ri Jehová kawil at ronojel taq qʼij? Pa neʼ pa jun nim tinamit at kʼo wi, katkunik kawil ri e chikop che kerapanik o ri e cheʼ. Uchomaxik rij ri ubaʼnom ri Jehová kkunik kojutoʼ rech qas ta kojchoman chi chrij ri e kʼax kqariq pa ri qakʼaslemal xuqujeʼ kuya uchuqʼabʼ ri qakojonik che Jehová amaqʼel kojuchajij (Mt 6:25-32). We e kʼo awalkʼwal, cheʼatoʼ rech kkil ri e utzalaj taq ubʼantajik ri Jehová. Are chiʼ más kqamaltyoxij ri e jastaq ubʼanom ri Jehová, kqanaʼo che más naqaj oj kʼo wi che (Sl 8:3, 4).

ARE CHIʼ AWILOM CHI RI VIDEO RI E MAYIBʼAL TAQ JASTAQ UBʼANOM RI DIOS KUKʼUT RI UJULUWEM: RI LUZ XUQUJEʼ RI E COLORES, CHAYAʼ UBʼIXIK CHRIJ RI E PREGUNTAS RIʼ:

• ¿Jasche kojkunik kqil ri e colores?

• ¿Jasche kukʼex ribʼ jujun chke ri colores?

• ¿Jasche kqilo che pa ri kaj kʼo jalajoj taq ucolores?

• ¿Jas jeʼlalaj taq colores awilom at naqaj che ri awachoch?

• ¿Jasche rajawaxik kqakoj tiempo che rilik ri e jastaq ubʼanom ri Dios?