QʼINOMAL RE RI UTZIJ RI DIOS | 2 JUAN 1-13; 3 JUAN 1-14 XUQUJEʼ JUDAS 1-25

Chqakojoʼ qachuqʼabʼ rech kojkʼojiʼ pa ri qastzij

Jun achi qas tajin kukoj uchuqʼabʼ rech kkunik kok pa jun uchiʼ ja che sibʼalaj latzʼ uwach

Jesús xubʼij: «Chikojoʼ ichuqʼabʼ rech kixok pa ri uchiʼ ja ri chʼutin uwach» (Lu 13:24). Ri e utzij ri Jesús kukʼut chqawach che rajawaxik kqakoj qachuqʼabʼ rech kojqaj chuwach ri Dios. Jehová xubʼij che ri Judas, ri rachalal ri Jesús, che kutzʼibʼaj wariʼ: «Qas kitij ichuqʼabʼ che ubʼixik chi qastzij ri kojonik». Rajawaxik qas kqakoj qachuqʼabʼ rech kojkunik kqabʼan ri e jastaq riʼ:

Uxutuxik ri inmoralidad sexual (Jud 6, 7).
Kinimaxik ri kekʼamow bʼe pa ri congregación (Jud 8, 9).
Ukowirisaxik ri tastalikalaj qakojonik kraj kubʼij, ukubʼsaxik qakʼuʼx chrij ri e kʼutunem re ri Biblia (Jud 20, 21).