QAKʼASLEMAL RI OJ CRISTIANOS
Chqayaʼ uqʼij ri Jehová rukʼ ubʼanik ri precursorado
Ri israelitas xkiya uqʼij ri Jehová rumal che xeresaj lo pa Egipto xuqujeʼ xeʼukol chkiwach ri rajchʼojabʼ ri faraón (Éx 15:1, 2). Jehová uyaʼom ta kan utoʼik ri utinamit. ¿Jas kqabʼan che uyaʼik maltyoxinik che? (Sl 116:12).
Jun kʼutbʼal, kojkunik kojux precursores auxiliares o regulares. Chqataʼ che ri Jehová che kuya ri rayinik xuqujeʼ ri chuqʼabʼ chqe rech kojkunik kqabʼano (Flp 2:13). E kʼi kkimaj rukʼ ri precursorado auxiliar. Pa taq ri ikʼ marzo xuqujeʼ abril, y pa ri ikʼ che kopan ri solinel re ri circuito pa ri congregación, kekunik kkibʼan 30 o 50 horas. Are chiʼ kqilo che ri precursorado auxiliar kuya kikotemal chqe, weneʼ kqachaʼ ubʼanik ri precursorado regular. Kʼo jujun paneʼ kechakun ronojel taq qʼij o kiriqom jun yabʼil e kunaq che ubʼanik ri precursorado regular (mwb16.07 8). Qas taqal che ri Jehová che kqaya uqʼij rukʼ ri chuqʼabʼ che kqakoj che ubʼanik jun jastaq (1Cr 16:25).
ARE CHIʼ AWILOM CHI RI VIDEO OXIBʼ QACHALAL RE MONGOLIA, CHATZALIJ KIWACH RI PREGUNTAS RIʼ:
¿Jas taq kʼax xkiqʼaxej ri precursoras?
¿Jas taq tewchibʼal kiriqom?
¿Jas nikʼaj chi jastaq xekun che ubʼanik rech kkiya uqʼij ri Jehová rumal che e precursoras?
¿Jas xubʼan ri kikʼutbʼal chke nikʼaj chik?