Ri kʼajisabʼal wachaj are jun kʼutbʼal re ri uloqʼoqʼebʼal ri Jehová

Ri kʼajisabʼal wachaj kʼo ubʼanik rukʼ ri kbʼan che utijoxik jun winaq y rukʼ ri kbʼan che upixbʼexik. Ri Jehová kuya tijonik chqe rech kqaqʼijilaj junam rukʼ ri kraj areʼ (Ro 12:1; Heb 12:10, 11). Kʼo jujun mul kʼax kqanaʼo are chiʼ kyaʼ jun consejo chqe. Are kʼu we kqabʼan ri kbʼix chqe, kojux utz taq winaq y kojutewchij ri Dios (Pr 10:7). ¿Jas chrij rajawaxik kechoman wi ri keyaʼow consejos y ri kyaʼ consejos chke?

Ri keyaʼow ri consejos. Ri e kʼamal bʼe pa ri congregación, ri e tat nan y e nikʼaj chik kkikoj kichuqʼabʼ junam rukʼ ri kubʼan ri Jehová che uyaʼik consejos rukʼ loqʼoqʼebʼal (Jer 46:28). Xuqujeʼ rajawaxik kilik jas unimal ri makaj ubʼanom ri winaq y are ri pixbʼenik kyaʼ che rukʼ loqʼoqʼebʼal (Tit 1:13).

Ri kyaʼ consejos chke. Apastaneʼ ri consejos kyaʼ chqe rajawaxik aninaq kqanimaj (Pr 3:11, 12). Rumal che qonojel xa oj ajmakibʼ rajawaxik che ronojel tiempo kyaʼ consejos chqe. Kqariq ri consejos are chiʼ kqasikʼij uwach ri Biblia y rukʼ ri kqetaʼmaj pa ri e riqbʼal ibʼ. O weneʼ jujun mul rajawaxik kbʼan jun comité judicial rech kbʼix chqe jas rajawaxik kqasukʼumaj pa ri qakʼaslemal. We kqata ri kbʼix chqe y kqakʼex ri qakʼaslemal kqariq ri kʼaslemal kʼo ta ukʼisik (Pr 10:17).

ARE CHIʼ AWILOM CHI RI VIDEO JEHOVÁ KUPIXBʼEJ RI KULOQʼOQʼEJ, CHATZALIJ KIWACH RI PREGUNTAS RIʼ:

• 

  ¿Jas ubʼanik ri ukʼaslemal ri a Canon are chiʼ kʼa alaj akʼal na y are chiʼ xqʼax ri tiempo jas xubʼano?

• 

  ¿Jas xubʼan Jehová che utoʼik?

• 

  ¿Jas kukʼut chqawach ri xubʼan ri a Canon?