QAKʼASLEMAL RI OJ CRISTIANOS
Chojkʼaskʼat pa ri kʼisbʼal taq qʼij
Are chiʼ tajin kojopan pa ri kʼisbʼal re ri kʼisbʼal taq qʼij, ri e kʼax más tajin kenimatajik (2Ti 3:1; Mt 24:8). Ronojel tiempo ri utinamit ri Jehová kubʼij chqe ri rajawaxik kqabʼano rech kqariq ta kʼax are chiʼ kpe jun kaqiqʼ jabʼ, kabʼraqan o jun chi kʼax. We kojniman kimik, kqachajij ri qakojonik y kqakʼol kan jujun jastaq qe, kqariq ta kʼax riʼ are chi kʼo kkʼulmatajik (Lu 16:10).
Chatkʼaskʼat pa ri akojonik. Chasikʼij uwach ri Biblia ronojel taq qʼij y chabʼana ri etaʼmanik re ri Biblia pa atukel. Jalajoj chabʼana che utzijoxik ri utzij ri Dios. Maxibʼij awibʼ we kawil ta kiwach ri e qachalal pa jun tiempo (Isa 30:15). Chnaʼtaj chawe che ri Jehová y ri Jesús katkiya ta kan atukel (od-S 175, 176 párrs. 15-17).
Chawilaʼ jas rajawaxik katijo o kakojo are chiʼ kpe jun desastre. Chkijujunal ri familias xaq xiw ta rajawaxik kkʼojiʼ ri mochila de emergencia kukʼ, xaneʼ rajawaxik kkilo we kʼo ri jastaq kkitijo kkikojo are chiʼ naj tiempo kekanaj pa ri kachoch y kekun taj keʼel bʼik (Pr 22:3; g17.5-S 4, 6).
ARE CHIʼ AWILOM CHI RI VIDEO ¿JAS KQABʼANO CHIʼ KPE JUN DESASTRE NATURAL?, CHATZALIJ KIWACH RI PREGUNTAS RIʼ:
¿Jas kqabʼan kimik pa ri qakojonik rech kqariq ta kʼax are chiʼ kʼo jun desastre?
¿Jasche nim ubʼanik...
... che ri e kʼamal bʼe ketaʼm ronojel ri kqakʼulmaj?
... kqakʼol jujun jastaq che kajwataj chqe pa jun mochila?
... kojchʼaw chrij ri jalajoj taq desastres y chrij ri rajawaxik kqabʼano are chiʼ kʼo jun kkʼulmatajik?
¿Jas oxibʼ jastaq kojkunik kqabʼano rech keqatoʼ ri e nikʼaj chik?
CHACHOMAJ: ¿Jas ubʼanom ri pandemia re ri COVID-19 che ukʼutik chnuwach ri rajawaxik kinbʼano rech kinkʼaskʼatik?