¿E jachin ri e awachiʼl pa internet?

Rech jun winaq kubʼij rachiʼl che jun chi winaq rajawaxik kʼo loqʼoqʼebʼal chkixoʼl. Are chiʼ David ukamisam chi kan ri Goliat xux rachiʼl ri Jonatán (1Sa 18:1). Are xkil ri utz taq kibʼantajik, y wariʼ xubʼan chke che xkʼojiʼ utz achilanik chkixoʼl. Rumal laʼ, rech kuriq jun utzalaj rachiʼl jun winaq rajawaxik kretaʼmaj uwach ri winaq paneʼ wariʼ kukʼam tiempo y chuqʼabʼ. Are kʼu jun kkunik kuriq «rachiʼl» pa ri redes sociales xaq xiw kupitzʼ jun botón. Ri winaq pa internet qas ta kkikʼut ri kibʼantajik, rumal che kekunik kkikʼex ri kibʼiʼ o ri kifoto che kkikoj pa ri redes sociales. Rumal laʼ, are chiʼ jun kuriq rachiʼl pa internet, rajawaxik kuchʼobʼo jas qas achilanik kraj. Kaxibʼij ta awibʼ kaxutuj ri usolicitud jun winaq che awetaʼm ta uwach. E jujun kʼo ta kiredes sociales rumal che sibʼalaj kʼo kʼi itzelal chupam. Are kʼu we kawaj kʼo aredes sociales, ¿jas chuwach rajawaxik kachajij wi awibʼ?

ARE CHIʼ AWILOM CHI RI VIDEO WE KAKOJ RI REDES KAXIM TA AWIBʼ, CHATZALIJ KIWACH RI PREGUNTAS RIʼ:

• 

  Are chiʼ majaʼ kakoj afotos o jun acomentario pa ri redes sociales, ¿jas rajawaxik kachomaj na?

• 

  ¿Jasche rajawaxik qas keʼachaʼ na ri e awachiʼl pa internet?

• 

  ¿Jasche rajawaxik kawilij ri tiempo che kakoj pa ri redes sociales? (Ef 5:15, 16).