Chatux precursor

Ri metas kubʼano che utz kqabʼan che ukojik ri qatiempo y ri qachuqʼabʼ (1Co 9:26; Ef 5:15, 16). Pa ri qʼijilanik re familia, utz che kojchoman chrij jas metas kojkunik kqakoj pa ri kʼakʼ junabʼ re servicio. Are chiʼ abʼanom chi achʼawem katkunik kawil ri kukʼut ri Wuj re chak, chilaʼ katkunik kariq kʼutunem che katutoʼo rech kakoj ametas (Snt 1:5).

Utz che kixchoman chrij we kʼo jun pa ri ifamilia kkunik kubʼan ri precursor regular. Qastzij che weneʼ jujun taq mul kqaxibʼij qibʼ rumal che kojkun taj kqabʼan ri horas che ktaʼik, utz che kojtzijon rukʼ jun precursor che xuqujeʼ xuchomaj wariʼ nabʼe kanoq (Pr 15:22). Pa ri qʼijilanik re ri familia xuqujeʼ kixkunik kibʼan entrevistar jun precursor y tekʼuriʼ chabʼanaʼ jun ahorario rech kawilo jas qʼij katzijoj ri utzij ri Dios. Are kʼu we xatux kan precursor regular ojer kanoq, katkunik kabʼan chi jumul we kbʼanik.

¿La kʼo jun pa ri familia che kkunik kubʼan ri precursorado auxiliar jun ikʼ o más? We kʼo ta más achuqʼabʼ, utz che ronojel qʼij katel kan jubʼiqʼ che utzijoxik ri utzij ri Dios. Más na we at kʼo pa ri tijobʼal, o pa ri chak, are kʼu are sibʼalaj utz we kachomaj jas ikʼ kʼo más atiempo rech katkunik kabʼan ri precursorado auxiliar. Xuqujeʼ utz che katzʼibʼaj pa ri calendario ri ikʼ che kawaj kabʼano y tekʼuriʼ kabʼan jun ahorario rech kawilo jas qʼij katel che utzijoxik ri utzij ri Dios (Pr 21:5).

ARE CHIʼ AWILOM CHI RI VIDEO CHUX KO IKʼUʼX: PRECURSORES, CHATZALIJ KIWACH RI PREGUNTAS RIʼ:

• ¿Jas xubʼan ri Jehová che uchajixik ri qachalal Aamand? ¿Jas kukʼut chqawach?