QAKʼASLEMAL RI OJ CRISTIANOS
Chawetaʼmaj ri kuchomaj ri Jehová
Rumal che kqaj kkikot ri Jehová qukʼ, rajawaxik nabʼe kqatzukuj ri kuchomaj chrij ri kqaj kqachaʼ ubʼanik, paneʼ kʼo ta jun taqanik re ri Biblia kojtoʼw che ubʼanik ri kqaj kqabʼano (Pr 27:11). ¿Jas kqabʼan che ubʼanik?
Chqasikʼij ri Biblia ronojel taq qʼij. Are chiʼ kqasikʼij uwach ri Biblia, jetaneʼ tajin kojtzijon rukʼ ri Jehová. Are chiʼ kqil ri xubʼan rukʼ ri utinamit ojer y kojchoman chkij ri e winaq che xenimanik y ri xeniman ta che, kojutoʼo rech junam ri qachomanik rukʼ ri Jehová. Jeriʼ, are chiʼ kqachaʼ ubʼanik jun jastaq pa qakʼaslemal, ri uxlabʼixel kunaʼtajisaj jujun taq kʼutbʼal chqe y pixabʼ che qetaʼmam pa ri uTzij ri Dios (Jn 14:26).
Chqanikʼoj ri kkibʼij ri qawuj y ri Biblia. Are chiʼ majaʼ kqachaʼ ubʼanik jun jastaq, chojchoman chrij wajun pregunta: «¿Jas versículos o e kʼutbʼal che kʼo pa ri Biblia kinkitoʼ rech kwetaʼmaj ri kuchomaj ri Jehová chrij ri kinchaʼ ubʼanik?». Chabʼanaʼ achʼawem y chakojoʼ ri e wuj re ri utinamit ri Jehová che e kʼo pa ri achʼabʼal, rech kariq ri e pixabʼ re ri Biblia che kajwataj chawe (Sl 25:4).
ARE CHIʼ AWILOM CHI RI VIDEO RAJAWAXIK KQATIJ ANIM RUKʼ KOCHʼONIK: QAS UTZ CHQABʼANAʼ CHE UTZUQIK QIBʼ, CHATZALIJ KIWACH RI PREGUNTAS RIʼ:
Junam rukʼ ri xqil pa ri video ¿jas xtaqchiʼx ri ali che ubʼanik?
¿Jas katutoʼ wi ri e chakubʼal re etaʼmanik are chiʼ katqʼax pa kʼax junam rukʼ ri xuriq ri ali?
¿Jas kojutoʼ wi we kqatas qatiempo che retaʼmaxik o unikʼoxik jun jastaq are chiʼ majaʼ kqachaʼ ubʼanik? (Heb 5:13, 14).