Chamajij jun etaʼmanik re ri Biblia kukʼ ri videos

E bʼanom kajibʼ videos rech kekojik are chiʼ kmajix jun etaʼmanik re ri Biblia. ¿Jas kipatan ri videos chkijujunal y jas kqabʼan che kikojik are chiʼ kqatzijoj ri utzij ri Dios?

• 

  ¿Jasche kqetaʼmaj chrij ri Biblia? (tzʼaqat). Wajun video riʼ ktobʼanik rech ri winaq kkaj kketaʼmaj chrij ri Biblia, apastaneʼ ri kikojonem. Kubʼano che ri winaq kkitzukuj ri urespuestas ri preguntas che nim kibʼanik y chupam kʼo jun kʼutbʼal che kukʼutu che ri respuestas kʼax ta uchʼobʼik y che are ri qastzij. Chukʼisbʼal ri video kubʼij ri kubʼan ri winaq rech kutaʼ jun etaʼmanik re ri Biblia.

• 

  ¿Jasche kqetaʼmaj chrij ri Biblia? (uchʼaqapil). Wajun video riʼ xa junam rukʼ ri nabʼe are kʼu naj ta kuchʼijo, utz che kkoj kukʼ ri winaq che kʼo ta más kitiempo.

• 

  ¿Jas kbʼan pa jun etaʼmanik chrij ri Biblia? Wajun video riʼ ktobʼanik rech ri winaq kkaj kketaʼmaj chrij ri ubʼanik jun etaʼmanik re ri Biblia y kutzalij uwach jujun preguntas che kchʼaw chrij ri kbʼan che utaʼik jun etaʼmanik re ri Biblia.

• 

  Chawilaʼ ri kbʼan che ukojik wajun wuj riʼ. Wajun video riʼ kkʼut chkiwach ri tijoxelabʼ re ri Biblia. Paneʼ wajun video riʼ kʼo pa ri ukabʼ página re ri wuj ¡Jun kʼaslemal che kʼo ta ukʼisik!, are kʼu utz che kkʼut chkiwach ri winaq are chiʼ tajin knikʼox ri folleto. Ri video kchʼaw chrij ri kukʼut ri wuj y kubʼij jas ubʼanik ri etaʼmanik.

Paneʼ ri videos riʼ xebʼanik rech kmajix jun etaʼmanik rech ri Biblia are kʼu kojkunik kqakʼut chkiwach ri winaq we rajawaxik. Chqakojoʼ qachuqʼabʼ che kikojik ri videos riʼ are chiʼ kqatzijoj ri utzij ri Dios.