¿Jas kawaj kabʼan pa ri kʼakʼ junabʼ re servicio?

Ri metas pa ri qakojonik are ri kqaj oj kqabʼano rech kqapatanij más ri Jehová y kqaya kikotemal che. Rumal laʼ, rech kojkunik kqabʼan jun qameta rajawaxik kqatas qatiempo y kqakoj qachuqʼabʼ che ubʼanik, rumal che kojutoʼo rech knimar ri qakojonik (1Ti 4:15). ¿Jasche rajawaxik amaqʼel kojchoman chrij ri oj kowinaq chi che ubʼanik? Rumal che kkʼextaj ri qakʼaslemal. Rumal laʼ, weneʼ kojkun ta chik kqabʼan ri xqachomaj ubʼanik o kqamaj chi ubʼanik jun rumal che oj kunaq chi che ubʼanik jun.

Utz che are chiʼ majaʼ kumaj jun kʼakʼ junabʼ re servicio, katchoman chrij ri meta che kawaj kabʼano. Utz che kixtzijon chrij wariʼ pa ri iqʼijilanik pa ri familia, rech kiwilo jas metas kixkunik kibʼan chijujunal o pa junamam.

¿Jas jujun chke ri metas riʼ kawaj kabʼano, y jas kabʼan che ubʼanik?