QAKʼASLEMAL RI OJ CRISTIANOS
Chatzukuj ri utobʼanik ri Jehová are chiʼ kbʼan bullying chawe
Ri bullying kubʼan kʼax che ri qacuerpo y kubʼano che kojbʼisonik. Xuqujeʼ kubʼan kʼax che ri qachilanik rukʼ ri Jehová we kqaxeʼj qibʼ chkiwach ri winaq che kojkixutuj rumal che oj testigos rech Jehová. ¿Jas kabʼan che uchajixik awibʼ chuwach ri bullying?
E kʼi e kunaq che uchʼijik ri bullying rumal che kitom tobʼanik che ri Jehová (Sl 18:17). Jun kʼutbʼal, ri Ester xuxiʼj ta ribʼ y xuya ubʼixik ri kʼax che tajin kubʼan ri Hamán che ri utinamit ri Dios (Est 7:1-6). Are chiʼ majaʼ kubʼan wariʼ, xubʼan ayuno rech kukʼutu che qas kukubʼaʼ ukʼuʼx chrij ri Jehová (Est 4:14-16). Rumal ri xubʼano, ri Jehová xutewchiʼj ri Ester y xuya tobʼanik che xuqujeʼ che ri tinamit.
Ala ali, we tajin kbʼan bullying chawe, chataʼ tobʼanik che ri Jehová y chabʼij che jun qachalal che nim chi ujunabʼ y ko ukojonik, weneʼ che ri atat o ri anan. Qastzij riʼ che ri Jehová katutoʼ na junam rukʼ ri xubʼan che utoʼik ri Ester. ¿Jas más katkunik kabʼano are chiʼ kbʼan bullying chawe?
ARE CHIʼ AWILOM CHI RI VIDEO ARE CHIʼ KʼA AT MAJAʼ NA: ¿JAS KINBʼANO WE KBʼAN BULLYING CHWE?, CHATZALIJ KIWACH RI PREGUNTAS RIʼ:
¿Jas kketaʼmaj ri alabʼom alitomabʼ chkij ri a Charlie y Ferin?
¿Jas kketaʼmaj ri tat nan chrij wajun video riʼ?