Ri rajawaxik kqabʼano are chiʼ kqanikʼoj ri Biblia

Are chiʼ kqanikʼoj ri Biblia, kqaj che ri kqetaʼmaj kopan pa qanimaʼ, pa ri qachomanik y kʼo kubʼan pa qakʼaslemal. Are utz che kqabʼan qe ri xubʼan ri Esdras che «xukoj ri ranimaʼ che unikʼoxik ri Upixabʼ ri» Jehová (Esd. 7:10). ¿Jas katkunik kabʼano rech kabʼan awe ri xubʼan ri Esdras?

Chabʼanaʼ orar. Are chiʼ majaʼ kamajij usikʼixik ri Biblia, chataʼ che ri Jehová che katutoʼ che uchʼobʼik ri kasikʼij y che kabʼan pa ri akʼaslemal ri xawetaʼmaj (Sal. 119:18, 34).

Chakʼutuʼ che at machʼalik winaq. Ri Dios utz ta keril ri winaq che nim kkibʼan che kibʼ y che kkaj taj ketoʼik (Luc. 10:21). Kanikʼoj ta ri Biblia xa rumal che kawaj ketaʼmaxik che kʼo awetaʼmabʼal. Y we kawilo che kʼo rajawaxik kakʼex pa ri akʼaslemal, chakʼutuʼ che at machʼalik winaq y chakʼexaʼ ri utz taj.

Cheʼatatabʼej ri canciones che kʼo pa jw. Ri música kopan pa qanimaʼ y kojutoʼo rech kqaqʼijilaj ri Dios. We kqatatabʼej jun canción are chiʼ majaʼ kqamajij usikʼixik ri Biblia, wariʼ kojutoʼo rech kojchoman chrij ri Jehová y kojutoʼo rech ri kqasikʼij kʼo kubʼan pa ri qakʼaslemal.