Ri rumal che ri e winaq e veganos | ¿Jas kubʼij ri Biblia chrij wariʼ?

E k’i winaq cho ronojel uwach Ulew kechoman chrij jasche e jujun winaq e veganos.

• «Ri uchomanik jun winaq che vegano are che kraj taj kbʼan kʼax chke ri chikop y kutij ta tiʼj ni nikʼaj chi jastaq che esam lo chke ri awaj xuqujeʼ kraj taj kekamisaxik rech kbʼan atzʼyaq rukʼ ri kitzʼumal» (The Vegan Society).

E kʼi winaq e veganos xaq xiw ta rumal che kkaj taj kbʼan kʼax chke ri chikop, xaneʼ xuqujeʼ rumal che kkaj kkichajij ri uwach Ulew, ri kisalud o rumal che je kkʼut chke pa ri kikojonem.

• «Ri veganismo kjunamataj ta rukʼ ri nikʼaj chi dietas che kbʼanik, rumal che ri winaq che e veganos kkichomaj che rukʼ ri ubʼanik ri kikʼaslemal ketobʼan che uchajixik ri uwach Ulew» (Britannica Academic).

¿La qas kekun riʼ ri winaq che e veganos kkisukʼumaj ri uwach Ulew? ¿Jas kubʼij ri Biblia?

¿Jas kuchomaj ri Bʼanol re ronojel ri jastaq chkij ri winaq y ri e chikop?

Ri Biblia kubʼij che chuwach ri Jehová,a ri e winaq más nim na kibʼanik chkiwach ri e chikop. Rumal laʼ are chiʼ xubʼan ri nabʼe achi xuya bʼe che rech ktaqan pa kiwiʼ ri e chikop (Génesis 1:27, 28). Y are chiʼ xqʼax ri tiempo xuya bʼe chke ri winaq che kkitij ri kitiʼj ri e chikop (Génesis 9:3). Are kʼu ri areʼ kraj taj che xaq kbʼan kʼax chke ri e chikop (Proverbios 12:10).

Ri Biblia kubʼij che chqajujunal kqachaʼ we kqatij tiʼj o kqatij taj.b Are kʼu we kqatijo o kqatij taj kubʼan taj che más nim qabʼanik chuwach ri Dios (1 Corintios 8:8). Utz taj che kqaqʼat tzij puwiʼ jun winaq xa rumal ri kutijo (Romanos 14:3).

¿Jas rajawaxik kbʼanik rech ksukʼiʼ ri uwach Ulew?

Ri Biblia kukʼutu che ri e winaq kekun taj kkisukʼumaj ri uwach Ulew. Rumal che e kʼi chke ri kʼax che kilitaj kimik are rumal ri política, ri nimaʼq taq kʼayij y che jalajoj kichomanik ri e winaq, ronojel wariʼ kʼo ta nijun ksukʼumanik. Ri Biblia kubʼij:

• «¡Mawi kuya kasukʼubʼax ri jechʼob’inaq[!]» (Eclesiastés 1:15).

Are ri Bʼanol qe ksukʼuman ronojel ri kʼax. Ri Biblia kubʼij ri kubʼan na.

• «Xinwil jun kʼakʼalaj kaj xuqujeʼ jun kʼakʼalaj ulew. Ri nabʼe kaj xuqujeʼ ri nabʼe ulew xeʼokʼowik. Xuqujeʼ ri plo man kʼo ta chik» (Apocalipsis 21:1).

Ri Dios keʼukʼex na ri qʼatal taq tzij che e kʼo kimik che are «ri nabʼe kaj», rukʼ «jun kʼakʼalaj kaj» kraj kubʼij, ri Uqʼatbʼal tzij che kʼo pa ri kaj. Wajun Qʼatbʼal tzij riʼ kusachisaj na uwach «ri nabʼe ulew», kraj kubʼij, ri itzel taq winaq. Y kuqʼat na tzij puwiʼ «jun kʼakʼalaj ulew»: ri winaq che rukʼ ronojel kanimaʼ keniman che.

Are chiʼ ri Uqʼatbʼal tzij ri Dios kuqʼat tzij pa qawiʼ, kkʼojiʼ jamaril chqaxoʼl y kukʼ ri e chikop pa jun jeʼlalaj uwach Ulew (Isaías 11:6-9).