¿Jasche xaq oyowal kkibʼan ri e winaq? | ¿Jas kubʼij ri Biblia chrij wariʼ?

Pa taq ri noticias keqil chʼoj, kamisanik y e kʼi winaq kʼax kechʼaw chkij e nikʼaj chik.

«Pa taq ri redes sociales sibʼalaj e kʼi winaq kʼax kechʼawik y xaq oyowal kkibʼano rumal ri chʼoj kʼo chkixoʼl Israel y Gaza» (The New York Times, 15 re noviembre 2023).
«Xumaj lo pa ri 7 re octubre, cho ri uwach Ulew xnimataj más ri chʼoj rumal che ri e winaq xaq oyowal kkibʼano y kʼax kechʼaw chkij e nikʼaj chik» (Dennis Francis, presidente re ri Asamblea General pa ri Naciones Unidas, 3 re noviembre 2023).

Kʼateʼ ta waʼ xmajtaj ri itzelal y ri chʼoj chkixoʼl ri e winaq. Xaneʼ ri Biblia xubʼij wariʼ chkij ri winaq re ojer, che sibʼalaj xkibʼan kʼax y kkibʼan oyowal che «kkikʼyaq taq tzij e jachaʼ ta neʼ chʼabʼ [o flecha] ri kekamisanik» (Salmo 64:3; 120:7; 140:1). Are kʼu ri Biblia kuya ubʼixik ri rumal che kimik ri e winaq sibʼalaj itzel kkil kibʼ.

¿Jasche kimik ri e winaq más kkibʼan oyowal?

Ri Biblia kuya ubʼixik kebʼ rumal che ri e winaq más itzel kkil kibʼ kimik.

1. Kubʼij che kopan jun tiempo «e kʼi winaq kajarobʼ na ri kiloqʼobʼal kʼuʼx» (Mateo 24:12). Rumal laʼ kimik sibʼalaj e kʼi winaq itzel kkil kibʼ y kkibʼan oyowal (2 Timoteo 3:1-5).
2. Ri itzelal che kʼo cho ri uwach Ulew kimik are rumal ri tajin kubʼan ri Satanás. Ri Biblia kubʼij che «ronojel kʼu ri uwach ulew kʼo pa uqʼabʼ ri itzel» (1 Juan 5:19; Apocalipsis 12:9, 12).

Are kʼu ri Biblia kubʼij che ri Dios kusachisaj na uwach ri tajin kbʼanow ri itzelal. Y kusachisaj na uwach ri kʼax y ri bʼis che uyaʼom ri oyowal. Ri Biblia kutzujuj wariʼ:

Ri Dios «kusuʼ na ronojel ri uwaʼl kiwach ri e oqʼinaq. Man kʼo ta chi kamikal. Man kʼo ta chi bʼis, man kʼo ta chi kuraq uchiʼ rumal kʼax, mawi kʼo chi qʼoxowem. Xeʼokʼow kʼut ri nabʼe taq jastaq» (Apocalipsis 21:4).